როი კინი: “მარსიალი “მანჩესტერ იუნაიტედისთვის” საკმარისად კარგი არაა”
კვირას პრემიერ ლიგის ცენტრალურ შეხვედრაში “ლივერპულმა” პრინციპული მეტოქე “მანჩესტერ იუნაიტედი” საკუთარ კედლებში დაამარცხა (2:0). მაშინ, როდესაც მერსესაიდელთა უპირატესობა მინიმალური გახლდათ, ანტონი მარსიალს გოლის გატანის ბრწყინვალე შანსი მიეცა, რაც ვერ გამოიყენა. ამაზე ყურადღება როი კინმა გაამახვილა.
“დიდი თავდამსხმელები დიდ თამაშებში გადამწყვეტ როლს უნდა თამაშობდნენ. ანტონი მარსიალი “მანჩესტერ იუნაიტედში” დიდი ხმაურით მოვიდა, თუმცა მისი აცილება ყველაფერზე მეტყველებს, სწორედ ასეთი გამოდგა მისი კარიერაც. დარტყმამდე ყველაფერი იდეალურად იყო, თუმცა ბურთი კარში უნდა გადაგზავნო.
მას ვერაფერი გაამართლებს. დიდი თავდამსხმელები, რომლებიც გულშემატკივრებს თავს ამახსოვრებენ ასეთ მომენტებს არ აფუჭებენ. სწორედ ამიტომ ვფიქრობ, რომ მარსიალი “მანჩესტერ იუნაიტედისთვის” საკმარისად კარგი არაა.
ამ მომენტმა მისი კარიერა ზუსტად შეაჯამა,” – აცხადებს როი კინი.
