როჯერსი: „კარგია, რომ ჯერარდი ნაკრებიდან წავიდა… სუარესს ჩვენთვის არ უღალატია“
„ლივერპულის“ მთავარი მწვრთნელი ბრენდან როჯერსი იმედოვნებს, რომ სტივენ ჯერარდის სანაკრებო კარიერის დასრულება კლუბზე დადებითად იმოქმედებს. მერსისაიდული გუნდის თავკაცის თქმით, საერთაშორისო კარიერის დასრულება ჯერარდს საშუალებას მისცემს, რომ მთელი სეზონი საღსალამათად გაატაროს.
„ჯერარდი ინგლისის ნაკრებისთვის შესანიშნავი კაპიტანი იყო, თუმცა ჩემი აზრით, სანაკრებო კარიერის დასრულება ისევ სტივენისთვის იქნება სახეირო. საერთაშორისო კარიერის დასრულებამ დადებითად უნდა იმოქმედოს მის თამაშზე „ლივერპულში“. ვფიქრობ, მომდევნო სეზონს ის უფრო საღსალამათად ჩაატარებს“, – ციტირებს როჯერსის სიტყვებს „სქაი სპორტსი“.
„ლივერპულის“ თავკაცმა გუნდიდან ლუის სუარესის წასვლის შესახებაც ისაუბრა. როჯერსმა სინანული გამოთქვა, თუმცა იქვე აღნიშნა, რომ გუნდი პროგრესირებას განაგრძობს.
„ლუისს გარკვეული პრობლემები ჰქონდა, თუმცა ეს ყველაფერი წარსულში დარჩა. მას არც ჩემთვის და არც კლუბისთვის არ უღალატია, ლუისმა ყველაფერი გააკეთა „ლივერპულისთვის“. სამწუხაროა, რომ დაგვტოვა, თუმცა გუნდი მის გარეშეც გააგრძელებს წინსვლა-განვითარებას“, – აღნიშნა როჯერსმა.
