როჯერსი: “სელტიკს” “ბარსელონას” დამარცხება შეუძლია!”
მომავალი კვირიდან ჩემპიონთა ლიგის გათამაშება განახლდება. ჯგუფური ეტაპის მეოთხე ტურში “სელტიკი” საკუთარ მოედანზე “ბარსელონას” მიიღებს. ამ გუნდების პირველი მატჩი კატალონიაში ადგილობრივების გამარჯვებით, ანგარიშით, 7:0 დასრულდა.
მატჩამდე შოტლანდიელების მთავარმა მწვრთნელმა, ბრენდან როჯერსმა ჟურნალისტებთან ისაუბრა.
“სელტიკმა” “ბარსელონა” 4 წლის წინ დაამარცხა. ის ძალიან რთული მატჩი იყო და დამსახურებული გამარჯვებაც მოიპოვეს.”
“ყველა მატჩი განსხვავებულია. როცა გვირაბში გადიხარ და უცებ მოედანზე ხვდები, ეს სულ სხვა განზომილებაა. ყველაფერი გარეთ რჩება და მხოლოდ მატჩზე უნდა კონცენტრირდე. თუ ამას მოახერხებ, წარმატებას მიაღწევ.”
“წინ რთული შეხვედრა გველის. “ბარსელონას” აქვს “სელტიკთან” თამაშის მწარე გამოცდილება და ისინი ძალიან დიდი ყურადღებით ითამაშებენ. თუმცა, ჩემი აქ ყოფნის მოკლე ხანში ფეხბურთელებს ვასწავლე ის, რომ უნდა იყვნენ აგრესიულები და მეტოქის ბურთის გორავს არ უნდა უყურონ. არ აქვს მნიშვნელობა, ვის ვეთამაშებით.”
“ბარსელონას” ბევრი კარგი მოთამაშე ჰყავს, თუმცა ჩვენ გვაქვს მონდომება დ აგრესია. ვიცი, რაც უნდა დავუპირისპირო კატალონიურ გიგანტს. “სელტიკს” შეუძლია “ბარსელონას” დამარცხება!” – განაცხადა როჯერსმა.
