როჯერსი: “სტერლინგი არსად წასვლას არ აპირებს”
“წითლების” მენტორი დარწმუნებულია, რომ გუნდს ზაფხულში ახალგაზრდა ტალანტი არ გამოეთხოვება.
მიუხედავად იმისა, რომ რაჰიმ სტერლინგს გუნდთან კონტრაქტი ჯერ კიდევ არ გაუხანგრძლივებია, “ლივერპული” ზაფხულში მის გასხვისებას არ აპირებს.
“ლივერპული ევროპის ერთ-ერთი ძლიერი გუნდია, ჩვენ ვხვდებით, რომ მისი გაშვება შეგვასუსტებს. ახლა მხოლოდ მომდევნო თამაშებზე ვფიქრობთ. თუ კლუბი სტერლინგის კონტრაქტზე გადაერთვება, სეზონის დარჩენილ ნაწილს ჩავაგდებთ”.
გავიხსენოთ, რომ რაჰიმმა BBC-სთან ინტერვიუში თქვა: “გუნდთან ფინანსური პრობლემები არ მაქვს, ტიტულების მოგება მსურსო”.
როჯერსმა განაცხადა, რომ სტერლინგს ეს ინტერვიუ არ მიუცია.
“რაჰიმისთვის მედიასთან თანამშრომლობის უფლება არ მიგვიცია. ყველა უშვებს შეცდომას, განსაკუთრებით ახალგაზრდები. ამიტომაც, საჭიროა, სტერლინგი მხოლოდ ფეხბურთზე იყოს ფოკუსირებული”.
