როხოს ციხე ემუქრება

საქმე ეხება 2010 წლის ინციდენტს, რომელიც არგენტინაში მოხდა. მარკოსი მეგობრებთან ერთად ლა-პლატში იმყოფებოდა, თავის მშობლიურ ქალაქში და აღნიშნავდა “მოსკოვის სპარტაკში” გადასვლას, ამ დროს მას მცირე შელაპარაკება მოუვიდა თავის მეზობელთან – ხუან პაბლო გომესთან, რომელიც შემდეგ სერიოზულ ჩხუბში გადაიზარდა.

როხოს ნერვებმა უმტყუვნა და სავარაუდოდ ნასვამ მდგომარეობაში მყოფმა ფეხბურთელმა “საყვარელ” მეზობელს ბოთლი გადაამტვრია თავზე. ამის შედეგად გომესმა სახის საშინელი დაზიანებები მიიღო, ასევე ჭრილობები სხეულის სხვადასხვა ნაწილზე.

2012 წელს გომესმა სასამართლოში უჩივლა მარკოსს, თუმცა მაშინ ყველაფერი მშვიდობიანად დასრულდა. გომესი არ დაკმაყოფილდა ამ ყველაფრით და 2014 წლის მაისში ისევ შეიტანა სარჩელი სასამართლოში, რის გამოც არგენტინელ ფეხბურთელს სასამართლო პროცესზე მოუწევს წარდგენა, ყველაზე უარეს შემთხვევაში კი ციხეში ერთი წლის გატარება.

წყარო: მანჩსტერ იუნატედის ქართული ფან-კლუბი – http://redarmy.ge/