“რომამ” “შახტარის” ბარიერი სტუმრად გატანილი გოლის წყალობით გადალახა (ვიდეო)

უეფას ჩემპიონთა ლიგის მერვედფინალურ ეტაპზე “რომასა” და დონეცკის “შახტარს” შორის განმეორებითი მატჩი გაიმართა. საპასუხო შეხვედრა იტალიელთა გამარჯვებით, ანგარიშით 1:0 დასრულდა. ეს ერთადერთი გოლი მატჩის 52-ე წუთზე ედინ ჯეკომ გაიტანა. 79-ე წუთზე მინდვრიდან ივან ორდეცი გააძევეს და უკრაინელები მოედანზე რიცხობრივ უმცირესობაში დარჩნენ. ორი შეხვედრის ჯამში 2:2 დაფიქსირდა, თუმცა სტუმრად გატანილი გოლის წყალობით მომდევნო ეტაპზე “რომა” ითამაშებს.

იტალიელები მეოთხედფინალურ ეტაპზე თავიანთი მეტოქის ვინაობას 16 მარტს გასამართ წილისყრაზე შეიტყობენ.

ჩემპიონთა ლიგა
მერვედფინალი (განმეორებითი მატჩი)
“რომა” — “შახტარი” 1:0 (ორი მატჩის ჯამში 2:2)
გოლი: ჯეკო 52′.
გაძევება: ორდეცი 79′.