“რომას” ფეხბურთელი კლუბიდან სოციალურ ქსელში განთავსებული ფოტოების გამო გაუშვეს

“რომას” კუთვნილობაში მყოფი მირკო ანტონუჩიმ მიმდინარე სეზონის მეორე ნახევარი იჯარით “ვიტორია სეტუბალში” გაატარა. თუმცა, პორტუგალიურმა კლუბმა 21 წლის ფეხბურთელი გუნდიდან იჯარის ვადის ამოწურვამდე გაათავისუფლა. მიზეზად ანტონუჩის მიერ სოციალურ ქსელში განთავსებული ფოტოები და ვიდეოები სახელდება.

18 ივნისს “ვიტორია სეტუბალი” “ბოავიშტასთან” ანგარიშით 1:3 დამარცხდა. სწორედ ამ მატჩის დასრულების შემდეგ, ანტონუჩიმ TikTok-ში მეგობარ გოგონასთან ერთად გადაღებული გასართობი სახის ვიდეო გამოაქვეყნა. ამან კლუბის ხელმძღვანელობისა და ფანების გაღიზიანება გამოიწვია.

ფეხბურთელმა ბოდიში მოიხადა და განაცხადა, რომ სოციალურ ქსელებში აქტიურობას შეწყვეტდა, თუმცა მისი ბოდიში დაგვიანებული აღმოჩნდა.

იხილეთ ვიდეო