„რომას“ პიანიჩთან ახალი კონტრაქტის გაფორმება სურს

თარიღი: ოქტომბერი 30, 2013

მიუხედავად იმისა, რომ ბოსნიის ნაკრების ნახევარმცველს მირალემ პიანიჩს „რომასთან“ კონტრაქტი 2015 წლამდე აკავშირებს, „ჯალოროსის“ ხელმძღვანელობა მასთან ხელშეკრულების გახანგრძლივების ვარიანტს უკვე ახლა განიხილავს.

იტალიური მედიის ინფორმაციით, რომაელები მირალემს 5-წლიან კონტრაქტს შესთავაზებენ. გარდა ამისა, ახალი წინადადების მიღების შემთხვევაში, პიანიჩი დედაქალაქურ კლუბში ხელფასის სახით წელიწადში 2,8 მილიონ ევროს მიიღებს.

შეგახსენებთ, რომ 23 წლის შუახაზელის შეძენის სურვილი „მანჩესტერ იუნაიტედის“ მენეჯერებს აქვთ, რომლებიც მისი ტრანსფერის სანაცვლოდ 30 მილიონი ევროს გადასახდელად არიან მზად.

ალექსანდრე მატევოსოვი
მსგავსი სიახლეები