რომელ არხზე შეგეძლებათ “ტორპედო” – “ლუდოგორეცის” მატჩის ხილვა

23 აგვისტოს, ევროპის ლიგის ფლეი-ოფის პირველ შეხვედრაში ქუთაისის “ტორპედო” მიხეილ მესხის სახელობის სტადიონზე ბულგარულ “ლუდოგორეცს” უმასპინძლებს.

ცნობილი გახდა, რომ მატჩის პირდაპირ ეთერში ხილვა გულშემატკივრებს სილქ უნივერსალზე შეეძლებათ. ასევე, სილქ უნივერსალი ბულგარულ მხარესთან მოლაპრაკებებს აწარმოებს, რათა განმეორებითი შეხვედრის ჩვენების უფლება მოიპოვოს.

შეგახსენებთ, რომ დღეს პირველმა არხმა მატჩთან დაკავშირებით განცხადება გამოაქვეყნა.

გთავაზობთ ქუთაისის “ტორპედოს” განცხადებას:

“ტორპედომ”, როგორც მასპინძელმა კლუბმა, “ლუდოგორეცთან” მატჩის ტრანსლაციის უფლებები “სილქ უნივერსალს” გადასცა.

ჩვენთვის პრიორიტეტად იქცა ის, რომ აღნიშნულმა ტელეკომპანიამ ბულგარულ მხარესთან შეთანხმებას მიაღწია, რომლის მიხედვით, განმეორებითი მატჩიც “სილქ უნივერსალის” ეთერში გავა, კლუბისთვის კი მნიშვნელოვანია, გულშემატკივარმა ორივე მატჩს უყუროს.

შესაბამისად, 23 აგვისტოს, 20:00 საათზე, ევროპალიგის პლეი-ოფის მატჩი “ტორპედოსა” და “ლუდოგორეცს” შორის “სილქ უნივერსალის” ეთერში გავა, რომელიც მთელ საქართველოში მაუწყებლობს. კომენტატორები ლუკა ხოჯავა და გიორგი პავლიაშვილი იქნებიან.”