რომის პაპი ფრანცისკე: “მესი ღმერთი არ არის, ეს მკრეხელობაა”

რომის პაპ ფრანცისკეს საფეხბურთო სამყაროს მიერ ღმერთად შერაცხულ ლეო მესიზე ჰკითხეს აზრი, რომელიც რომის 226-ე პაპის თანამემამულე გახლავთ.

ესპანურ ტელევიზიაში (La Sexta) სტუმრად ყოფნისას, რომის პაპს ჰკითხეს, თუ რამდენად ითვლებოდა მკრეხელობად ის ფაქტი, რომ ლეო მესის ბევრი ფანი ღმერთად მოიხსენიებდა:”თეორიულად, რა თქმა უნდა, ეს მკრეხელობაა.

ვფიქრობ, რომ საქმე სხვა რამეშია – ხალხი ამბობს, რომ მესი ღმერთია, თუმცა ამას ისეთივე გაგებით აცხადებენ, როგორიცაა “გაღმერთებ”. თუმცა, ეს გამართლება არ არის, მხოლოდ ღმერთის გაღმერთებაა შესაძლებელი.

ეს უბრალოდ საუბრის სტილია, ისინი ასე გამოხატავენ საკუთარ გაოცებას – მესი ღმერთია ოღონდ ბურთით მოედანზე. რასაკვირველია, მისი თამაშის ცქერა ერთი სიამოვნებაა, მაგრამ ის ღმერთი არ არის,” – აცხადებს რომის პაპი.