რონალდ კუმანი: “ბარსელონას” აგრესიულობა დააკლდა”

ჩემპიონთა ლიგის ჯგუფური ეტაპის ბოლო მატჩში კატალონიის “ბარსელონა” საშინაო არენაზე ტურინულ “იუვენტუსთან” განადგურდა (0-3) და ჯგუფში პირველი ადგილი დაკარგა. მატჩის შემდეგ რონალდ კუმანმა პრესის წარმომადგენლებთან ისაუბრა.

“ჩემი აზრით, თამაში პირველ 30 წუთში წავაგეთ. მატჩი ცუდად დავიწყეთ, დაცვაში საშინლად ვთამაშობდით, აგრესიულობა დაგვაკლდა. ეს ძვირად დაგვიჯდა.

“იუვენტუსმა” ბრწყინვალე თამაში ჩაატარა, თავიანთი შესაძლებლობები კარგად წარმოაჩინეს და გამარჯვებაც დაიმსახურეს.თუმცა, შეიძლება ვიდავოთ, რომ პირველი პენალტი არ უნდა დანიშნულიყო. ასეთი პენალტის შემდეგ მათ მესიზე ჯარიმის ეპიზოდშიც უნდა დაენიშნათ თერთმეტმეტრიანი.

არ უნდა დავივიწყოთ, რომ “იუვენტუსს” ორჯერ ვეთამაშეთ და პირველი თამაში ტურინში 0-2 მოვუგეთ,” – აცხადებს ნიდერლანდელი სპეციალისტი.