რონალდ კუმანის პირველი კომენტარი “ატლეტიკოსთან” მარცხის შემდეგ
კატალონიის “ბარსელონას” კატასტროფული სერია გრძელდება. “ბენფიკასთან” ჩემპიონთა ლიგაზე განცდილი მარცხის (3:0) შემდეგ, რონალდ კუმანის შეგირდები “ვანდა მეტროპოლიტანოზე” დამარცხდნენ ორბურთიანი სხვაობით (2:0).
“ჩვენ მეტს ვიმსახურებდით, მაგრამ, როგორც ყოველთვის, ინდივიდუალურმა შეცდომებმა ყველაფერი გადაწყვიტეს. ჩვენი შანსები ვერ გამოვიყენეთ. გაშვებული გოლების მომენტებში კი ზონების დახურვას ვერ ვახერხებდით, რაც მიუღებელია.
არსებული პრობლემების გადალახვა შესაძლებელია, თუმცა ეს დღეს ან ხვალ ვერ მოხერხდება. გამოსავალი ახალგაზრდებშია, მათ მეტი დრო უნდა მივცეთ. ფეხბურთელები გვაკლდნენ, რაც “ატლეტიკოს” დონის მეტოქესთან განსაკუთრებით ჩანს.
რაც შეეხება ლაპორტას მიერ მიღებულ გადაწყვეტილებას (ლაპორტამ განაცხადა, რომ კუმანის გაშვებას არ აპირებს), ეს ძალიან მნიშვნელოვანი იყო – გუნდს თავდაჯერებულობას მატებს,” – აცხადებს კუმანი.
