რონალდინიო: “ბარსელონაში” კოუტინიოთი აღფრთოვანებულნი არიან”

“ბარსელონას” ყოფილმა ფეხბურთელმა და დღესდღეობით კლუბის ელჩის პოზიციაზე მომუშავე რონალდინიომ “ლივერპულის” ნახევარმცველ ფილიპე კოუტინიოს მიმართ “ბლაუგრანას” დაინტერესებაზე ისაუბრა.

“როდესაც კოუტინიო ტრავმა მოიშუშებს, იმედი მაქვს, იგი ისეთივე ფეხბურთის ჩვენებას გააგრძელებს, როგორსაც მიმდინარე სეზონის განმავლობაში გვიჩვენებს. კოუტინიო ამ სეზონში ევროპაში ერთ-ერთი ყველაზე გამორჩეული ფეხბურთელია. ვიცი, რომ “ბარსელონაში” მისით აღფრთოვანებულნი არიან. “ლივერპული” კოუტინიოს შენარჩუნებას მოისურვებს, გუნდის თამაში მის გარშემო არის აწყობილი, მაგრამ როდესაც ამ დონეზე თამაშობ, სხვებს შენდამი ინტერესი მუდმივად ექნებათ”, – რონალდინიოს კომენტარი “მირორმა” გამოაქვეყნა.

შეგახსენებთ, რომ მიმდინარე სეზონში ევროპაში მოთამაშე ბრაზილიელთაგან საუკეთესოდ სწორედ ფილიპე კოუტინიო დაასახელეს.