რონალდო: “მინდა ჩემი შვილი ისეთივე დიდი ფეხბურთელი გამოვიდეს, როგორიც მამამისია”
კრიშტიანო რონალდომ აღიარა, რომ საკუთარ ვაჟზე დიდ იმედებს ამყარებს და სურს, რომ ისიც პროფესიონალი ფეხბურთელი გამოვიდეს, თანაც ისეთივი დიდი, როგორიც თავად არის.
“მინდა, რომ ჩემი შვილი მოთამაშე გახდეს. მე ფეხბურთელი ვარ და მინდა ჩემი შვილიც ფეხბურთელი იყოს.” – განუცხადა “რეალის” ვარსკვლავმა ჩინურ არხს, რომელის რონალდოზე სპეციალურ სიუჟეტს აკეთებს.
“მე მასში ათლეტს ვხედავ, მას უბრალოდ ასეთი ხასიათი აქვს. თუმცა, რასაკვირველია, ჯერ ის ძალიან ახალგაზრდაა, ბავშვი, ის მხოლოდ 5 წლის ბიჭია, თუმცა მას ფეხბურთი ძალიან უყვარს. ეს დიდი პლუსია.
“სახლში 30 ბურთი მაქვს, ის სულ ბურთებთან ატარებს დროს და რაც მთავარია, მას ეს სიამოვნებს. თუმცა მე მას არასდროს დავაძალებ, რომ ფეხბურთელი გახდეს. არჩევანი მან უნდა გააკეთოს.
ის რასაც მოინდომებს ის გამოვა, არ ვაპირებ მასზე ზემოქმედებას. მაგრამ გულის სიღრმეში ძალიან მინდა, რომ კრიშტიანო ისეთივე დიდი ფეხბურთელი გამოვიდეს, როგორიც მამამისია.”
