რონალდუ და სხვა ფეხბურთელები, რომლებიც ტოპ ჩემპიონატებში ერთ მატჩში ხუთი გოლით გამორჩეულან

პირველად ბოლო ოცდაათ წელიწადში მადრიდის „რეალის“ თავდამსხმელმა ოთხ გოლზე მეტი გაიტანა. „ბლანკოსის“ წარმატებაში რონალდუმ დიდი წვლილი შეიტანა, რადგან „გრანადასთან“ მან ხუთი გოლი გაიტანა. ერთ შეხვედრაში გოლების ასეთი რაოდენობის გატანა, სათამაშო დონის მიუხედავად, ძალიან რთულია. თანაც, გუშინ პორტუგალიელმა „რეალის“ მაისურით 299-ე გოლი გაიტანა. არაორდინალურობის აღსანიშნავად, რომელიმე მსგავსი შემთხვევის გახსენება შეიძლება. ლა ლიგაში ერთ მატჩში შვიდი გოლი მხოლოდ ორჯერ გაიტანეს. თუმცა, ტელმო სარას გარდა, ერთ შეხვედრაში ექვსი გოლი ჯერ არავის არასდროს გაუტანია. ამ შედეგს სარამ 1950 წელს მიაღწია.

სამწუხაროა, რომ 65 წლის შემდეგ რონალდუმ სარას შედეგის განმეორება ვერ შეძლო. ადრე ესპანეთის პირველობაში პენტატრიკებს ათ წელიწადში ერთხელ ასრულებდნენ. მორიენტესმა „ლას-პალმასს“ 2002 წელს გაუტანა, ათ წელიწადში კი ფალკაომ „ატლეტიკოს“ მაისურით „დეპორტივოს“ ერთ თამაშში ხუთჯერ გაუტანა. რონალდუმ ისტორიაში ტემპს მოუმატა და მესის გაუსწრო, რადგან ლიონელს აქამდე პრიმერას ერთ შეხვედრაში გოლების ასეთი რაოდენობა არ გაუტანია. სამაგიეროდ, პენტატრიკით სარა, კუბალა, პუშკაში და პიჩი ალონსო გამოირჩნენ. სიტყვაზე, სანამ ბებეტომ ესპანელის შედეგი არ გაიმეორა, პრიმერაში 16 წლის განმავლობაში ერთ მატჩში 5 გოლის გატანას ელოდებოდნენ!

აი, გერმანიაში, ამ მხვრივ, საქმე უკეთესადაა. ბუნდესლიგაში ექვსი გოლის ერთი ავტორია, თუმცა ხუთი გოლი ერთდროულად თორმეტ ფეხბურთელს გაუტანია, თანაც მათ შორის გერდ მილუერი, იუპ ჰაინკესი და იურგენ კლინსმანი არიან. დღევანდელ ბუნდესლიგაში გოლების ამ რაოდენობის გატანა ერთ ფეხბურთელს ძალიან უჭირს. შედეგად, კლოზე ასეთი შედეგით მხოლოდ „ლაციოს“ შემადგენლობაში გამოირჩა. რამდენიმე წლის წინ მირო სერია ა-ს ისტორიაში მე-12 ფეხბურთელი გახდა, რომელმაც პენტატრიკი შეასრულა. როგორც ესპანეთში და გერმანიაში, ცნობილი ფეხბურთელები ხუთი გოლით სერია ა-ს ისტორიაში არ გამორჩეულან. ყველაზე ცნობილი მათ შორის, ალბათ, „ფიორენტინას“ შვედი თავდამსხმელი ჰამრინია, რომელიც „ატალანტასთან“ შეხვედრაში გამოირჩა. სამაგიეროდ, იტალიაში პოკერები უყვართ, 21-ე საუკუნეში ოთხი გოლით თერთმეტი ფეხბურთელი გამოირჩა.

ინგლისის პრემიერლიგის ისტორიაში ასევე ცოტა პენტატრიკია. ენდრიუ კოული „მანჩესტერ იუანტედის“ მაისურით გამოირჩა, მისმა გუნდმა კი ანგარიიშთ 9:0 მოიგო. ოთხ წელიწადში ალან შირერმა „შეფილდ უენსდი“ დაამწუხრა, როდესაც „ნიუკასლმა“ 8-ბურთანი უპირატესობით მოიგო. ბოლოს ინგლისის პირველობაში ერთ შეხვედრაში ხუთი გოლით ჯერმეინ დეფო გამოირჩა, რომელმაც გოლების ეს რაოდენობა „უიგანს“ გაუტანა“. კოულის წარმატება ერთ წელიწადში დიმიტარ ბერბატოვმაც აღნიშნა – „იუნაიტედმა“ „ბლექბერნი“ 7:1 გაანადგურა. როგორც ხედავთ, ანრი და რუნი არ გამორჩეულან.

მსოფლიო ჩემპიონატზე ოლეგ სალენკოს კამერუნის ნაკრებთან შედეგს, ალბათ, ვერავინ გაიმეორებს, მიუხედავად იმისა, რომ მუნდიალზე ეისებიო, კოშიჩი და ადემირი ამასთან ახლოს იყვნენ, თუმცა თავი მხოლოდ პოკერებით გამოიჩინეს.

ევროთასებზე პენტატრიკები, რა თქმა უნდა, ეროვნულ ჩემპიონატებზე უფრო იშვიათად არ გვხვდება. რავანელისა და ვან ბასტენის დონის ფეხბურთელები უეფას თასზე იტანდნენ, ალტაფინი, ვან ჰიმსტი და გერდ მიულერი კი – ჩემპიონთა თასზე. ახალ დროში ხსენებული ფეხბურთელების მაჩვენებლით ორი ფეხბურთელი გამოირჩა. სამი წლის წინ მესიმ ლევერკუზენის „ბაიერის“ ფეხბურთელები დაამწუხრა. არგენტინელის მსგავსად მიმდინარე სეზონში დონეცკის „შახტარის“ თავდამსხმელი ლუის ადრიანო გამოირჩა – მისმა გუნდმა ბელორუსის „ბატე“ გაანადგურა.

გუშინდელი დღიდან კრიშტიანუ რონალდუ იმ ფეხბურთელებს შეუერთდა, რომლებიც მსოფლიო ფეხბურთის ისტორიას სამუდამოდ დაამახსოვრდნენ.