რონალდუ: “მცირე სხვაობით გავიმარჯვეთ, თუმცა მეტოქეს ნამდვილად ვაჯობეთ”

უეფას ჩემპიონთა ლიგის ნახევარფინალურ ეტაპზე მადრიდის “რეალმა” “მანჩესტერ სიტის” ბარიერი ერთი გოლის წყალობით დაძლია და ფინალს უწია, სადაც თანაქალაქელ “ატლეტიკოს” დაუპირისპირდება. დღევანდელი შეხვედრის შესახებ კომენტარი გააკეთა “სამეფო კლუბის” ლიდერმა კრიშტიანუ რონალდუმ.

“გახარებულები ვართ იმით, რომ ფინალში გავაღწიეთ. ეს განსაკუთრებული მომენტია. 1:0 მცირე უპირატესობაა, თუმცა ჩვენ უკეთ ვითამაშეთ. 15 დღე არ მითამაშია, მაგრამ ხალხს დაავიწყდა, რომ ძალებს მალე ვიღდგენ. დავიღალე, თუმცა უზომოდ გახარებული ვარ”, – ციტირებს რონალდუს სიტყვებს “ბიბისი”.