რონალდუ: “რომაში” არავინაა ისეთი, ვისთანაც მაისურს გავცვლიდი”

მადრიდის “რეალის” თავდამსხმელმა, კრიშტიანო რონალდუმ “რომასთან” გასამართ შეხვედრაზე ისაუბრა და მაისურის გაცვლასთან დაკავშირებით საინტერესო კომენტარი გააკეთა.

“ჩემპიონთა ლიგა ის ტურნირია, რომელიც მადრიდის “რეალსა” და ჩვენ, ფეხბურთელებს მოგვწონს. “რომასთან” რთული თამაში გველის, მაგრამ გამარჯვება აუცილებლად უნდა მოვიპოვოთ. ვფიქრობ, რომაელებს კარგი გუნდი ჰყავთ, რომელშიც მაღალი დონის ფეხბურთელები თამაშობენ.

მაისურის გაცვლა? ახლა “რომაში” არავინაა ისეთი, ვისთანაც მაისურს გავცვლიდი. თუმცა თუ მეტოქე გუნდის რომელიმე ფეხბურთელი მთხოვს, მე მას ჩემს მაისურს მივცემ – ეს პრობლემა არ იქნება”, – ციტირებს პორტუგალიელის სიტყვებს Goal.Com-ი.

შეგახსენებთ, რომ ჩემპიონთა ლიგის მერვედფინალური ეტაპის პირველ შეხვედრაში, “რომა” “რეალს” “სტადიო ოლიმპიკოზე” მიიღებს. მატჩი 17 თებერვალს, 23 საათსა და 45 წუთზე დაიწყება.