რონალდუმ “ევერტონის” ფანს ტელეფონი დაუმსხვრია (ვიდეო)
ინგლისის პრემიერლიგის 32-ე ტურში “ევერტონსა” და “მანჩესტერ იუნაიტედს” შორის გამართული მატჩის (1:0) შემდეგ უსიამოვნო ინციდენტი მოხდა.
შეხვედრის დასრულების შემდეგ კრიშტიანუ რონალდუ მოედნიდან გასახდელისკენ გაეშურა, რა დროსაც “ევერტონის” ერთ-ერთმა ფანმა მას მობილური ტელეფონი გაუწოდა. პორტუგალიელმა ტელეფონი გამეტებით ძირს დააგდო და დაამსხვრია. “მანჩესტერ იუნაიტედმა” მომხდარზე შიდა გამოძიება დაიწყო, რონალდუმ კი სოციალური ქსელის საშუალებით ბოდიში მოიხადა.
“იოლი არ არის რთულ მომენტებში ემოციებთან გამკლავება. მიუხედავად ამისა, სხვების მიმართ ყოველთვის პატივისცემასა და მოთმინებას უნდა ვიჩენდეთ, რათა მაგალითი მივცეთ ყველა ახალგაზრდას, ვისაც ეს ლამაზი თამაში უყვარს.
ბოდიშს ვიხდი ჩემი გამოხტომისთვის და თუ შესაძლებელია, ამ ფანს ფეხბურთის საყურებლად “ოლდ ტრაფორდზე” დავპატიჟებ”, – აღნიშნა რონალდუმ.
Cristiano Ronaldo smashed someone’s phone after losing to Everton, according to fans at the ground 😳
(via @evertonhub) pic.twitter.com/a20z4Sg20F
— ESPN FC (@ESPNFC) April 9, 2022
