რონალდუს ახალი რეკორდი

თარიღი: თებერვალი 27, 2017

ესპანეთის პრიმერადივიზიონის 24-ე ტურში მადრიდის “რეალმა” გასვლაზე “ვილიარეალი” ანგარიშით 3:2 დაამარცხა. ერთი ბურთი თერთმეტმეტრიანი დარტყმით კრიშტიანუ რონალდუმ გაიტანა, რომელმაც პრიმერაში ახალი რეკორდი დაამყარა.

პორტუგალიელმა ფეხბურთელმა ესპანეთის უმაღლეს დივიზიონში 57-ე პენალტი გაიტანა, რაც სარეკორდო მაჩვენებელია. რონალდუმ მექსიკელი უგო სანჩესის რეკორდი მოხსნა.

2009 წლის შემდეგ რონალდუს პრიმერადივიზიონში 64-დან 57 პენალტი აქვს ზუსტად შესრულებული. ყველა ტურნირზე ერთად კი პორტუგალიელს 71 თერთმეტმეტრიანი გამოუყენებია.

ესპანეთის ჩემპიონატის ყველა დროის საუკეთესო პენალტისტები:

1. კრიშტიანუ რონალდუ — 57;
2. უგო სანჩესი – 56;
3. რონალდ კუმანი – 46;
4-5. ლიუბოსლავ პენევი – 43,
4-5. ლიონელ მესი – 43.

მსგავსი სიახლეები