რონალდუს შეურაცხყოფისთვის “ბარსელონა” შესაძლოა, დაისაჯოს
თარიღი: თებერვალი 17, 2015
ესპანეთის პროფესიული ფეხბურთის ლიგამ შესაძლოა “ბარსელონა” კლუბის ქომაგების არასათანადო ქცევის გამო დააჯარიმოს.
ესპანეთის პრიმერადივიზიონის 23-ე ტურში “ლევანტეს” წინააღმდეგ გამართული მატჩის (5:0) 65-ე წუთზე სტადიონზე მყოფმა 200-მდე ადამიანმა სკანდირება დაიწყო: “რონალდუ მთვრალია”.
ლიგა ვიდეოჩანაწერს შეისწავლის, რის შემდეგაც განაჩენს გამოიტანს. “ბარსელონა” შესაძლოა, სოლიდური ფულადი ჯარიმით დაისაჯოს.
შეგახსენებთ, რომ მადრიდის “ატლეტიკოსთან” განადგურების (0:4) შემდეგ კრიშტიანუ რონალდუმ 30-ე იუბილე პომპეზურად აღნიშნა, რის გამოც პორტუგალიელი ფეხბურთელი საყოველთაო კრიტიკის ქარცეცხლში მოექცა. ინტერნეტსივრცეში ზეიმის ამსახველი ვიდეომასალაც გავრცელდა.
მსგავსი სიახლეები