“რონალდუსთან სახლში არ მიხვდიდეთ” – კრიშტიანო თანაგუნდელების ღამის კოშმარია

ყველასათვის ცნობილია, რომ ფეხბურთის ისტორიაში ყველაზე მეტი ოფიციალური გოლის ავტორი კრიშტიანო რონალდუ ძალიან ბევრს ვარჯიშობს. პორტუგალიელი სუპერვარსკვლავი 35 წლის ასაკშიც შესანიშნავ ფორმაშია.

ოქროს ბურთის 5-გზის გამარჯვებული მუდმივად ბევრს ვარჯიშობს, თუმცა მან დასვენების ფასიც კარგად იცის. აი, რას ამბობენ რონალდუს მოქმედი და ყოფილი თანაგუნდელები მისი ვარჯიშისადმი დამოკიდებულების შესახებ.

არტურო მელო:

“ის ცხოველივით ვარჯიშობს. არ ისვენებს და მოტივაციას გაძლევს, რომ შენც ბოლომდე დაიხარჯო. ყოველთვის მეუბნება, რა უნდა მივირთვა. შანსს არ მიტოვებს.”

პატრის ევრა:

“ყველას ერთ რჩევას მივცემდი – როცა კრიშტიანო სახლში ლანჩზე დაგპატიჟებთ, უბრალოდ უარი უთხარით. ერთხელ მითხრა: ‘პატრის, ვარჯიშის შემდეგ ჩემთან წამოდი.’ მასთან წავედი, ძალიან დაღლილი ვიყავი. მაგიდანზე მხოლოდ სალათი და ქათმის ხორცი იყო. წყალიც… არანაირი წვენი. დავიწყეთ საკვების მირთმევა. მალე ის წამოდგა, ბურთით თამაში დაიწყო და მითხრა: “მოდი, ვითამაშოთ.” მე ვეკითხები: “შეიძლება, ჭამა დავასრულო?’ ის მპასუხობს: “არა, არა. მოდი, ვითამაშოთ.”

ვითამაშეთ, შემდეგ კი აუზისაკენ გავემართეთ. ჯაკუზი, საუნა და აღარაფრის ძალა აღარ მქონდა. ვუთხარი: “კრიშტიანო, აქ იმიტომ მოვედით, რომ ლანჩი უნდა გვქონოდა თუ იმიტომ, რომ მატჩისათვის ვემზადებით?” სწორედ ამიტომ ვამბობ, რომ თუ კრიშტიანო საკუთარ სახლში დაგპატიჟებთ, მასთან არ წახვიდეთ. ეს ბიჭი ნამდვილი მანქანაა და არ უნდა, რომ ვარჯიში შეწყვიტოს.”

მეჰდი ბენატია:

“ერთხელ, ჩვენ ორმა, მთელი მატჩი სათადარიგოთა სკამზე გავატარეთ, რადგან სამ დღეში კიდევ ერთი მატჩი უნდა გვქონოდა და მწვრთნელმა დაგვასვენა. უკან დაბრუნებისას, რონალდუმ მითხრა: “როგორც კი დავბრუნდებით, რის გაკეთებას აპირებ?” მე ვუპასუხე: “11 საათია, სახლში მივდივარ, რატომ მეკითხები?”

კრიშტიანომ მითხრა: “არ გინდა, ჩემთან ერთად ივარჯიშო? არ მითამაშია და უნდა ვივარჯიშო. არ გინდა, კომპანიონობა გამიწიო?” მისთვის დამჭირდა იმის ახსნა, რომ იმ მომენტში ეს შესაძლებელი არ იყო, მე მხოლოდ სახლში წასვლა და ტელევიზორის წინ დაჯდომა მსურდა.”

დიმიტარ ბერბატოვი:

“გამიმართლა, რომ ერთი სეზონის განმავლობაში თანაგუნდელები ვიყავით. მასთან ვარჯიშზე ყოფნა ომს ჰგავდა, რადგან მოგების გარდა, არაფერზე ვფიქრობდი. კრიშტიანო კარგი ბიჭი იყო, რომელიც გუნდში კონკურენციას ზრდიდა. საშობაო პერიოდში, ფეხბურთელები წვეულებას ვაწყობდით, მაგრამ ის ყოველთვის პროფესიონალი იყო. არასოდეს იღებდა ალკოჰოლს. როცა ვარჯიშზე მიხვიდოდი, ის დარბაზში დაგხვდებოდა. გუნდის ვარჯიშის დასრულების შემდეგ, დამატებით ვარჯიშობდა. მას ყოველთვის უნდოდა, რომ საუკეთესო ყოფილიყო.”

ლუის საა:

“ეს ბიჭი შეშლილია. თუ ვარჯიში დილის 10 საათზე იწყებოდა, მე 9 საათზე მივდიოდი. თუმცა, რონალდუ იქ მხვდებოდა, რადგან 08:30 საათზე იყო მისული. მას ბუნებრივი ტალანტი ჰქონდა, მაგრამ უზარმაზარი სურვილი აქვს იმისა, რომ მუდამ იშრომოს.”