რუდი გარსია: „მინდა, რომ ტოტისთან ერთად რაღაც მოვიგო“
თარიღი: სექტემბერი 8, 2013
„რომას“ მთავარმა მწვრთნელმა რუდი გარსიამ უცხოელი ჟურნალისტებისთვის მიცემულ ინტერვიუში კლუბის ლეგენდარული კაპიტნის – ფრანჩესკო ტოტის მიმართ ქება-დიდება არ დაიშურა.
„ფრანჩესკო არა მხოლოდ დიდი მოთამაშე, არამედ მოედნის მიღმაც შესანიშნავი პიროვნება. ჩემთვის ის ფეხბურთის ისტორიაში ერთ-ერთი საუკეთესო მოთამაშეა. მინდა, რომ მასთან ერთად რაღაც მოვიგო“, – აღნიშნა გარსიამ.
რამდენიმე დღის წინათ გაუწყებდით, რომ „რომამ“ ტოტის ახალი კონტრაქტი შესთავაზა. გავრცელებული ინფორმაციის თანახმად, მხარეებს შორის ახალ ხელშეკრულებას ხელი სექტემბრის ბოლოს მოეწერება. 36 წლის ფეხბურთელი „რომას“ ღირსებას 1992 წლიდან იცავს და ამ დროის განმავლობაში გუნდში თითქმის 700 მატჩი ჩაატარა.
ბექა დოგრაშვილი
მსგავსი სიახლეები