რუმენიგე: “ვინ ყიდის ფეხბურთელს, რომელსაც წელიწადში 60 გოლი გააქვს?”

მიუნხენის “ბაიერნის” აღმასრულებელმა დირექტორმა, კარლ-ჰაინც რუმენიგემ, რობერტ ლევანდოვსკის შესაძლო ტრანსფერთან დაკავშირებით გააკეთა კომენტარი.

როგორც იცით, რამდენიმე დღის წინ გერმანულ და უცხოურ პრესაში აქტიურად იწერებოდნენ ლევანდოვსკის “ბაიერნიდან” წასვლის შესაძლებლობაზე. მედიის წარმომადგენლების თქმით, “ბაიერნი” ფინანსური კრიზისის გამო გეგმავდა 32 წლის ვარსკვლავის გაყიდვას.

“რა თქმა უნდა, რობერტ ლევანდოვსკი ჩვენთან დარჩება. ვინ ყიდის ფეხბურთელს, რომელსაც წელიწადში 60 გოლი გააქვს? მის აგენტებს ჩვენთვის ტრანსფერზე დაყენება არ უთხოვიათ,” – ციტირებს რუმენიგეს სიტყვებს Bild.

აქვე შეგახსენებთ, რომ რობერტ ლევანდოვსკის “ბაიერნთან” ხელშეკრულება 2023 წლამდე აკავშირებს.