რუმენიგემ საფრანგეთის ნაკრების სამწვრთნელო შტაბი საჯაროდ გააკრიტიკა

თარიღი: ოქტომბერი 8, 2019

“ბაიერნის” გენერალურმა დირექტორმა, კარლ-ჰაინც რუმენიგემ, საფრანგეთის ნაკრების სამწვრთნელო შტაბი საჯაროდგააკრიტიკა. ამის მიზეზი კი ლუკა ერნანდესის ნაკრებში გამოძახება გახლავთ.

“ძალიან გაბრაზებული და გაღიზიანებული ვარ საფრანგეთის ფეხბურთის ფედერაციის ქმედებებით. არაერთხელ აღვნიშნე, რომ ლუკა ერნანდესი არ არის ისეთ ფიზიკურ მდგომარეობაში, რომ თამაში შეძლოს. მან ვერც “ტოტენჰემთან” და ვერც “ჰოფენჰაიმთან” შეძლო თამაში.

ძალიან გაკვირვებულები დავრჩით დიდიე დეშამის მიერ პრესკონფერენციაზე ნათქვამი სიტყვებით, რომლის მიხედვითაც ლუკა ცალი ფეხითაც შეძლებს თამაშს.

ფრანგებმა ოთხი ფეხბურთელი გამოიძახეს, რომელთაგანაც სამს გავუშვებთ – კინგსლი კომანს, კორენტინ ტოლისოსა და ბენჟამინ პავარს,” – აცხადებს რუმენიგე.

მსგავსი სიახლეები