რუმინეთი-საქართველო, ბორჯღალოსნების სამატჩო შემადგენლობა
რაგბი ევროპის ჩემპიონატის ფინალურ, მე-5 ტურამდე 2 დღე რჩება – 21 მარტს ბორჯღალოსნები თავის ყველაზე პრინციპულ მეტოქეს, რუმინელ მუხებს ბუქარესტში ერკინებიან. შეხვედრა საქართველოს დროით 16:30 საათზე დაიწყება, რომლის პირდაპირ რეპორტაჟს საზოგადოებრივი მაუწყებელი შემოგვთავაზებს.
შაბათის მატჩი იმითაც არის მნიშვნელოვანი, რომ ჩემპიონის ტიტულის დაცვის გარდა, ჩვენი ნაკრები რუმინეთის წინააღმდეგ ეცდება ანთიმოზ ივერიელის, საქართველოსა და რუმინეთის საზიარო თასის შენარჩუნებას.
ბორჯღალოსნები რუმინეთში დღეს გაემგზავრნენ. ტრადიციულად, მატჩამდე 48 საათით ადრე მილტონ ჰეიგმა ბორჯღალოსნების სამატჩო 23 კაციანი შემადგენლობა დაასახელა.
„ვიცით, რომ ფიზიკური თამაში გველის, რადგანაც რუმინეთს საკმაოდ ძლიერი და აგრესიული მორკინალები ყავს, მაგრამ არც ჩვენი შერკინებაა სუსტი. ამიტომ ეს იქნება ძალისმიერი მატჩში, რომელშიც დაძაბულობა საფინალო სასტვენამდე გაგრძელდება.“
რაგბი ევროპის ჩემპიონატი 2015, V ტური: რუმინეთი-საქართველო 21/03/15, 16:30, ბუქარესტი
Rugby.GE
