რუნი და ვან პერსი „ჩელსისთან“ მატჩს გამოტოვებენ

„მანჩესტერ იუნაიტედს“ მორიგი მატჩის ჩატარება კვლავ უეინ რუნისა და რობინ ვან პერსის გარეშე მოუწევს. ამის შესახებ „წითელი ეშმაკების“ თავკაცმა დევიდ მოიესმა „ჩელსისთან“ მატჩის წინ სპეციალურ პრესკონფერენციაზე განაცხადა.

„უეინი ინგლისში რეაბილიტაციის შემდეგ დაბრუნდა, თუმცა სათამაშოდ იგი მზად ჯერჯერობით არ არის. ამის მიუხედავად, იგი ვარჯიშობს, დარბის და საკმაოდ კარგადაც გამოიყურება.

რაც შეეხება რობინს, იმედია, ვარჯიშს იგი შემდეგი კვირს დასაწყისში განაახლებს. კარგი იქნებოდა, თუ ჰოლანდიელი გუნდს სწრაფად დაუბრუნდება, რადგან „მანჩეტერ იუნაიტედისთვის“ ვან პერსი – მნიშვნელოვანი ფეხბურთელია“, – განაცხადა მოიესმა.

ალექსანდრე მატევოსოვი