რუნი: „ეს ჩემი კარიერის ერთ-ერთი ყველაზე ცუდი დღე იყო“
თარიღი: მარტი 17, 2014
ინგლისის პრემიერლიგის 30-ე ტურის ცენტრალური შეხვედრა „ოლდ ტრაფორდზე“ გაიმართა, სადაც „მანჩესტერ იუნაიტედმა“ „ლივერპული“ მიიღო და ანგარიშით 0:3 განადგურდა. მატჩის შემდეგ „წითელი ეშმაკების“ თავდამსხმელი უეინ რუნი დაფიქსირებული შედეგით იმედგაცრუებას ვერ მალავდა.
„ეს მთელი ჩემი საფეხბურთო კარიერის ერთ-ერთი ყველაზე ცუდი დღე იყო. ძნელია, ამას შეეგუო, თუმცა „ლივერპულს“ პატივი უნდა მივაგოთ, მეტოქემ ძალიან კარგად ითამაშა.
არავის არ სურს საკუთარ მოედანზე დამარცხება, მით უფრო ისე, როგორც ჩვენ დაგვემართა“, – რუნის სიტყვები „სქაი სპორტსმა“ გამოაქვეყნა.
ბექა დოგრაშვილი
მსგავსი სიახლეები