რუნი სულშერზე: “მარტივია ყველაფრის მწვრთნელისთვის დაბრალება”

ინგლისური ფეხბურთისა და “მანჩესტერ იუნაიტედის” ლეგენდამ, უეინ რუნიმ, პრესასთან საუბრისას კლუბის ამჟამინდელ მდგომარეობაზე ისაუბრა.

“მანჩესტერ იუნაიტედის” სათავეში ძალიან ერუდირებული ხალხია. დარწმუნებული ვარ, რომ ისინი ყველაფერს გააკეთებენ წინ წასასვლელად – იქნება ეს სულშერთან ერთად თუ მის გარეშე.

ფეხბურთელებმა თავიანთ თავს კითხვები უნდა დაუსვან და პასუხები ეძებონ. მარტივია ყველაფრის მწვრთნელისთვის დაბრალება, როდესაც ფეხბურთელები ამხელა ხელფასს იღებენ და თავიანთ საქმეს შესაფერისად ვერ ასრულებენ.

კლუბში დიდი მოთხოვნებია, ამ ფეხბურთელებს დიდი პასუხისმგებლობა აქვთ. ისინი მსოფლიო დონის მოთამაშეები არიან. მიუღებელია, ასეთი ფეხბურთელები დაცვაში ჩამოსვლაზე უარს რომ ამბობენ. ეს მწვრთნელის შეცდომაა, თუ ფეხბურთელების? როდესაც გუნდი აგებს, ისინი ტკივილს უნდა გრძნობდნენ,” – აცხადებს უეინ რუნი.