რუნი: “თუ კლოპი “ლივერპულში” კიდევ ათი წელი დარჩება, კლუბი პრემიერ ლიგას ხუთჯერ მოიგებს”

ვეტერანმა ინგლისელმა ფეხბურთელმა, უეინ რუნიმ იურგენ კლოპისა და “ლივერპულის” შესახებ ისაუბრა. რუნი ამბობს, რომ მერსესაიდელებს პრემიერ ლიგაში დომინანტობა შეუძლიათ.

“კლოპმა თქვა, რომ შუძლებელია პრემიერ ლიგაში კიდევ ერთხელ ვიხილოთ ისეთი დომინანტური გუნდი, როგორიც “მანჩესტერ იუნაიტედი” იყო, თუმცა ის ცდება. არის მარტივი გზა “ლივერპულისთვის”: მიეცით კლოპს წინსვლის საშუალება.

“იუნაიტედი” დომინანდი იმიტომ იყო, რომ ფერგიუსონი კლუბში დიდი ხნის განმავლობაში მუშაობდა. კლოპი 53 წლისაა და თუ ის “ლივერპულში” კიდევ ათი წლის განმავლობაში იმუშავებს, კლუბი პრემიერ ლიგას ხუთჯერ მაინც მოიგებს. თუ კლოპი წავა, გასაკვირი არ იქნება, რომ გუნდის ლიდერებიც წასვლას გადაწყვეტენ. მე რომ “ლივერპულის” მფლობელი ვიყო, მის დიდი ხნით შენარჩუნებას შევეცდებოდი”, – ციტირებს რუნის სიტყვებს The Times.