რუნი VAR-ის წინააღმდეგ

“დერბი ქაუნთის” მთავარი მწვრთნელი უეინ რუნი ფეხბურთში მსაჯის დამხმარე ვიდეოგამეორების სისტემის (VAR) წინააღმდეგ გამოდის.

“ინგლისის პრემიერლიგის მატჩების ცქერისას VAR ზოგჯერ იმედებს მიცრუებს და ვერ ვხვდები, როგორ იღებენ კონკრეტულ გადაწყვეტილებას. ჩემი აზრით, ფეხბურთი უკეთესია ვიდეოგამეორების სისტემის გარეშე.

მსაჯებს უნდა ვენდოთ. ზოგჯერ მათ გადაწყვეტილებებს არ ვეთანხმებით, მაგრამ არბიტრებს მუშაობის საშუალება უნდა მივცეთ და საქმე დავუფასოთ”, – ციტირებს რუნის სიტყვებს “სქაი სპორტსი”.

შეგახსენებთ, რომ ინგლისის პრემიერლიგაში მსაჯის დამხმარე ვიდეოგამეორების სისტემა 2019-2020 წლების სეზონიდან დაინერგა.