რუსი ექსპერტი: “კვარაცხელიამ ერთხელ გაიბრწყინა და მისგან პელე გამოიყვანეს”

რუსი საფეხბურთო სელექციონერი და ექსპერტად წოდებული პაველ სტიპიდი “ნაპოლიში” ხვიჩა კვარაცხელიას ტრანსფერს აფასებს. სტიპიდი “სოკოლში”, “დინამოში”, “ანჟიში” და “ტერეკში მუშაობდა.

“შეხედეთ იტალიის ჩემპიონატს რად იქცა? წაიკითხეთ ტოპ ფეხბურთელების კომენტარები, რომლებმაც მანამდე სერია A-ში ითამაშეს. ახლა ამბობენ, რომ იტალიის ჩემპიონატი ფსკერია და მე მათ ვეთანხმები. როცა ხალხი 36, 38 ან 42 წლის ასაკში თამაშობს, ეს მათ მოსიარულე ლიგად აქცევთ.

მაგრამ კვარაცხელიას იტალიაში თამაში არც გამოუვა, რადგან, კიდევ ერთხელ ვიტყვი, მისი დონე საქართველოს ჩემპიონატია. რუსეთში ერთხელ გაიბრწყინა და ჩვენმა ჟურნალისტებმა მისგან პელე გამოიყვანეს და შემდეგ უცებ ჩაიფუშა. თუ ის ძლიერი ფეხბურთელია, მაშინ ვინ უშლიდა ხელს? ჯერ კიდევ ვეჭვობ, რომ მართლა გადავა “ნაპოლიში”, – განაცხადა სტიპიდმა.

ეს რუსების მხრიდან პირველი შემთხვევა არ არის, როცა კვარაცხელიას მიმართ ასეთ დამოკიდებულებას ავლენენ.