რუსი ნიჩბოსნები ტოკიოს ოლიმპიური თამაშებიდან მოხსნეს
რუსეთის ოლიმპიური კომიტეტის ნიჩბოსნები, რომლებსაც ტოკიოს ოლიმპიურ თამაშებზე ოთხადგილიანი ნავებით უნდა ეასპარეზათ, ღონისძიებიდან მოხსნეს. ამის მიზეზი გახდა ის, რომ ოთხიდან ორ სპორტსმენს ორგანიზმში აკრძალული ნივთიერება აღმოაჩნდათ.
დოპინგის წესები ნიკიტა მორგაჩევმა და პაველ სორინმა დაარღვიეს. მათი სინჯები საბერძნეთში აიღეს.
თავდაპირველად, რუსულმა მხარემ სპორტსმენების ოლიმპიადიდან მოხსნის მიზეზად ვარჯიშებზე დაბალი შედეგების ჩვენება დაასახელა, მაგრამ მოგვიანებით ნიჩბოსნობის საერთაშორისო ფედერაციამ მათ მიერ დოპინგის გამოყენების შესახებ განცხადება გაავრცელა.
რუსი ნიჩბოსნების მაგივრად, ამ დისციპლინაში ლიეტუვას ნაკრები იასპარეზებს.
შეგახსენებთ, რომ სპორტის სხვადასხვა სახეობებში დოპინგის ჭარბი რაოდენობის მიღების გამო, რუსეთის ოლიმპიური დელეგაცია ტოკიოს ოლიმპიურ თამაშებზე დროშის გარეშე იასპარეზებს. ასევე, იმ შემთხვევაში, თუ რუსი სპორტსმენი ოქროს მედალს მოიპოვებს, დაჯილდოვების ცერემონიალზე რუსეთის ჰიმნი არ აჟღერდება.
