რუსს ფანებში უკვე დიდი შიში და ქაოსია – “მას უკვე ჩვენთან თამაში აღარ სურს”
დღეს ყაზანის “რუბინმა” რუსეთის თასზე “როტორი” 2-1 დაამარცხა. ხვიჩა კვარაცხელია ძირითადში იყო, ყვითელი მიიღო და 76-ე წუთზე შეცვალეს.
განაცხადში არ ყოფილა დანიელი შემტევი ანდრეს დრეიერი (რომლის სანაცვლოდ 2021 წლის აგვისტოში “რუბინმა” 7 მილიონი გადაიხადა – რედ) რამაც რუს ფანებში დიდი აჟიოტაჟი გამოიწვია.
“სად არის დრეიერი”? “დრეიერს ჩვენთან თამაში უკვე აღარ სურს”, “დრეიერს რა დაემართა?” და მსგავსი კომენტარები მრავლად იყო.
გარდა დრეიერისა, ტელეგრამის ჯგუფებში აქტიურად იწერება, რომ წასვლა ხვისაც უნდა და მას ზურიკო დავითაშვილიც მიყვება.
“რუბინის” მთავარმა მწვრთნელმა ლეონიდ სლუცკიმ გუშინ განაცხადა, რომ დანიელს ტრავმა აქვს და ყაზანში იმყოფება, მიუხედავად ამისა, გუნდის ფანებში უკვე დიდი არეულობა და შიში შეინიშნება, რომ მალე ყველა ლეგიონერი წავა.
გავრცელებული ინფორმაციით, 1 კვირაში რუსეთში მოთამაშე ლეგიონერებს უფლება ექნებათ, კლუბებთან კონტრაქტი ყოველგვარი პრობლემის გარეშე ცალმხრივად გაწყვიტონ. არადა, უკვე 1 წელზე მეტია კვარაცხელიას 20 მილიონზე ნაკლებად არ ყიდიან.
