საბა ლობჟანიძე: “ჩიხურას” მიზანი ყველა დარჩენილი შეხვედრის მოგებაა!”
23 ოქტომბერს უმაღლესი ლიგის მეცხრე ტურის შეხვედრები გაიმართა. ერთ-ერთ მათგნაში საჩხერის “ჩიხურა” სტუმრად “ლოკომოტივს” დაუპირისპირდა და მეტოქე, ანგარიშით, 4-1 დაამარცხა. იმერელთა მხრიდან დუბლი საბა ლობჟანიძემ შეასრულა. თითო-თითო გოლი კი განუგრავამ და გორგიაშვილმა გაიტანეს.
Fanebi.Com-ი დაუკავშირდა ლობჟანიძეს და მასთან ინტერვიუ ჩაწერა.
“ძალიან კარგი მატჩი გამოვიდა. მწვრთნელის დავალებები შევასრულეთ, ტაქტიკურად სწორად ვითამაშეთ, რაც შედეგზე აისახა.”
“ჩვენ არ ვართ მეტოქეზე დამოკიდებული გუნდი. არ ვუყურებთ იმას, თუ როდის დაუცდება მას ფეხი და ქულების მხრივ ასე მოვიპოვებთ უპირატესობას. პირიქით, ჩვენი მიზანი ყველა შეხვედრის მოგებაა! სწორედ ასე გვინდა ფონს გასვლა!”
“რაც შეეხება ჩემს თამაშს, მიხარია, რომ გოლები გამაქვს. ამაში დიდი წვლილი ჩემს თანაგუნდელებს მიუძღვით.”
საბას წითელ ჯგუფზეც ვკითხეთ: “მეორე ჯგუფში შესანიშნავი გუნდები თამაშობენ. ყველას პატივს ვცემ, თუმცა სამტრედიას გამოვარჩევდი,” – განაცხადა 21 წლის სპორტსმენმა.
