საბალეტა: “მანჩესტერ სიტი” მესის იდეალურ პირობებს სთავაზობს”
“მანჩესტერ სიტისა” და არგენტინის საფეხბურთო ნაკრების ყოფილმა წევრმა, პაბლო საბალეტამ, მანჩესტერულ კლუბში ლეო მესის შესაძლო ტრანსფერზე ისაუბრა.
“თუ ლეო მესი “ბარსელონას” დატოვებას გადაწყვეტს და მსოფლიოს საუკეთესო ჩემპიონატში თამაშს ისურვებს, ის პრემიერ ლიგაში უნდა გადავიდეს. პრემიერ ლიგა მას ძალიან საინტერესო რაღაცებს სთავაზობს.
ყველა ფეხბურთელი, რომელსაც ვიცნობ, პრემიერ ლიგის შესახებ მეკითხება. ლეო ლა ლიგაში საკმაოდ დიდი ხნის მანძილზე თამაშობდა და ვფიქრობ, რომ ინგლისური ფეხბურთი მას დიდ სიამოვნებას მიანიჭებს.
ის ძალიან კარგად იცნობს გუარდიოლას, ისევე როგორც ბეგირისტაინსა და სორიანოს. კუნ აგუეროსთანაც ახლოს არის. ლეოსთვის “ბარსელონას” დატოვება უდიდესი ნაბიჯი იქნება. მაგრამ თუ ამას გადაწყვეტს, “სიტიში” მას ყველანაირად დაეხმარებიან.
როდესაც სულ ერთ კლუბში თამაშობ, სხვაგან გადასვლა უცნაურ რამედ გეჩვენება. დარწმუნებული ვარ, რომ “სიტი” მესის იდეალურ პირობებს სთავაზობს. ისიც ვიცი, რომ “პსჟ”-სა და “იუვენტუსის” მსგავსი კლუბები ყოველთვის გამოიჩენენ ინტერესს მესის მიმართ,” – აცხადებს საბალეტა.
