“საბურთალომ” “დილას” სტუმრად მოუგო და ცხრილში გალიდერდა

დღეს ეროვნული ლიგის მეოთხე ტურის მატჩები გაიმართა.

ერთ-ერთ შეხვედრაში გორის გორის “დილამ” საკუთარ მოედანზე თბილისის “საბურთალო” მიიღო. დაპირისპირება გარდამავალი უპირატესობით წარიმართა და ერთადერთი გატანილი გოლით დასრულდა. მისი ავტორი ვაგნერ გონსალვესი გახდა. “საბურთალოს” ლეგიონერმა 43-ე წუთზე მოახერხა მიხეილ მუჯრიშვილის კარის აღება.

“დილას” ამ მარცხის შემდეგ ოთხი ქულა აქვს და მეშვიდე ადგილზეა. რაც შეეხება “საბურთალოს”, დედაქალაქელებმა ცხრა ქულის მოგროვება და ცხრილში გალიდერება მოახერხეს. თუმცა, მეორეადგილოსან “ჩიხურას” ერთით ნაკლები მატჩი აქვს ჩატარებული და “საბურთალოს” ორი ქულით ჩამორჩება.