“საბურთალოს” 19 წლის ფეხბურთელის ცხედარი წყალში იპოვეს
საგანგებო სიტუაციების მართვის სამსახურმა რამდენიმე წუთის წინ განცხადება გაავრცელა. განცხადებაში წერია, რომ 4-დღიანი უწყვეტი საძიებო სამუშაოების შედეგად, მყვინთავებმა “საბურთალოს” 19 წლის ფეხბურთელის, გიორგი შაქარაშვილის ცხედარი ცხედარი წყალში იპოვეს.
“4 დღიანი უწყვეტი საძიებო სამუშაოების შედეგად მყვინთავებმა გიორგი შაქარაშვილის ცხედარი წყალში იპოვეს.
ამ ხნის განმავლობაში საძიებო სამუშაოებში ჩართული იყო, 70 მეხანძრე-მაშველი, 7 ნავი და ორი სპეციალური კატერი, რომელიც ახორციელებდა ფკერის სკანირებას. შეუჩერებლად ფუნქციონირებდა საველე შტაბი, საიდანაც ხდებოდა საძიებო ოპერაციის მართვა. ადგილზე მობილიზებული იყო ყველა საჭირო სპეც-ტექნიკა, მათ შორის თერმული დრონები, რომლებიც ახორციელებდნენ ტერიტორიის მონიტორინგს.
19 ივნისს, დაახლოებით 11 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები”, – ვკითხულობთ განცხადებაში.
Fanebi.Com უსამძიმრებს გარდაცვლილის ოჯახს, მეგობრებსა და ახლობლებს.
