“საბურთალოს” შეკრებაზე მეტოქე შეეცვალა

თურქულ შეკრებაზე ხვალ “საბურთალოს” მომავალი მეტოქე ბულგარეთის უმაღლესი ლიგის ბინადარი “ბეროე” უნდა ყოფილიყო, მაგრამ მცირე ცვლილება მოხდა და 8 თებერვალს თბილისური კლუბ ბულგარეთის პირველ ლიგაში მოასპარეზე “მონტანას” დაუპირისპირდება. შეხვედრა თბილისის დროით 17:30 საათზე დაიწყება.

საფეხბურთო კლუბი “მონტანა” 1947 წელს დაარსდა, გუნდი საშინაო მატჩებს 7000 კაციან სტადიონზე ატარებს. კლუბში ძირითადად ბულგარელი ფეხბურთელები თამაშობენ, ერთადერთი ლეგიონერი 31 წლის ბრაზილიელი ელიმარკუესია. “მონტანაში” ირიცხებიან, როგორც ახალგაზრდა, ასევე ვეტერანი ფეხბურთელებიც. კლუბის მთავარი მწვრთნელი რომან პანაუტოვია.