სად გაქრა ნიკოლოზ ქუთათელაძე? “პსჟ”-დან რუსეთში ახალგაზრდულ ლიგაში

20 წლის ნიკოლოზ ქუთათელაძე ბოლო დროს ნაკლებად ჩანს და დიდად შედეგიანობითაც ვერ გამოირჩევა.

ქუთათელაძე მოსკოვის “სპარტაკის” მე-2 გუნდში თამაშობს, რომელიც რუსეთის ახალგაზრდულ ლიგაში გამოდის. ნიკოლოზმა 26 ნოემბერს “უფას” დუბლი შეუსრულა, თუმცა ეს იყო მისი ყველაზე გამოსარჩევი ეპიზოდი ბოლო რამდენიმე თვის განმავლობაში. ორივე გოლი დასწრებაზე შეაგდო.

ქუთათელაძეზე რამდენიმე წლის წინ ძალიან დიდი იმედები მყარდებოდა, როცა “პსჟ”-ს 17 წლამდე აკადემიაში ვარჯიშობდა, მაგრამ შემდეგ საფრანგეთიდან რუსეთში წავიდა. ჯერ “ანჟიში”, მერე კი “სპარტაკ 2”-ს შეუერთდა. მიიღო რუსეთის მოქალაქეობაც და ბოლოს ჩვენ ახალგაზრდულ ნაკრებში 2017 წელს ითამაშა.

ფაქტია, ნიკოლოზის კარიერა ისე არ ვითარდება, როგორც ამას თავიდან მოელოდნენ და უცნობია, კვლავ სურს თუ არა საქართველოს სახელით გამოსვლა.

ქუთათელაძის 4-წლის წინანდელი მომენტები