სად ითამაშებს რონალდუ – კონფედერაციის თასის ოფიციალურ გვერდზე პოსტი გამოქვეყნდა

ბოლო დროს სპორტულ პრესაში სულ უფრო ხშირად წერენ იმის შესახებ, რომ შესაძლოა, კრიშტიანო რონალდუმ მადრიდის “რეალი” დატოვოს. პორტუგალიელ ფეხბურთელს გადასახადებისაგან თავის არიდებაში ადანაშაულებენ, თავად მას კი ამის გამო ესპანეთის დატოვება სურს.

რამდენიმე კლუბმა, მათ შორის “ჰერტამ” და “სპორტინგმა” სოციალურ ქსელ Twitter-ში, ხუმრობით, რონალდუს მათ რიგებში გადასვლასთან დაკავშირებით პოსტიც გამოაქვეყნეს. ახლა კი პოსტი ფიფას კონფედერაციის თასის ოფიციალურმა გვერდმაც გამოაქვეყნა: “სად ითამაშებს რონალდუ? ყაზანში, რა თქმა უნდა.”

შეგახსენებთ, რომ პორტუგალიის ნაკრების კონფედერაციის თასზე პირველ შეხვედრას ყაზანში გამართავს.

Where is @Cristiano playing football next?

Kazan, of course ? #ConfedCup #PORMEX pic.twitter.com/VFJ1dLXuko

— #ConfedCup (@FIFAcom) June 16, 2017