საჯარო რეესტრმა სოსო ტყემალაძის პრეზიდენტად დარეგისტრირება დაახარვეზა
საჯარო რეესტრმა სოსო ტყემალაძის რაგბის კავშირის პრეზიდენტად რეგისტრაცია შეაჩერა. ამჯერად, მიზეზი რაგბის კავშირის წესდების დარღვევაა. რეესტრი განმარტავს, რომ განმეორებით საარჩევნო ყრილობაზე ზუსტად იგივე საკითხები უნდა განიხილებოდეს, რომლებიც რიგგარეშე საარჩევნო ყრილობაზე განიხილებოდა. ხარვეზიანია წესდების ცვლილება, რომელიც ყრილობაზე განხორციელდა.
საჯარო რეესტრი მიიჩნევს, რომ სოსო ტყემალაძისა და ახალი გამგეობის არჩევა კანონიერად მოხდა. თუმცა, რეგისტრაციის გასაახლებლად საჭიროა წესდების ცვლილების საკითხის ამოღება, რის შემდეგაც ტყემალაძის რაგბის კავშირის პრეზიდენტად დარეგისტრირება შესაძლებელი იქნება. არის მეორე ვარიანტი – უნდა მოიწვიონ ახალი ყრილობა და წესდება თავიდან დაამტკიცონ.
შეგახსენებთ, რომ საჯაროო რეესტრმა 2020 წელს კავშირის პრეზიდენტად არჩეული ირაკლი აბუსერიძის რეგისტრაციაც დახარვეზა.
