სალაჰი: “ჩემ თავს ყველა დროის საუკეთესო ფეხბურთელად მივიჩნევ”
“ლივერპულის” ეგვიპტელი სუპერვარსკვლავი, მოჰამედ სალაჰი, იურგენ კლოპის სიტყვებს გამოეხმაურა. გერმანელმა სპეციალისტმა მო სალაჰს მსოფლიოს საუკეთესო ფეხბურთელი უწოდა.
“ჩემი გადასაწყვეტი რომ იყოს, დიდი სიამოვნებით ვითამაშებდი “ლივერპულში” კარიერის ბოლო დღემდე, მაგრამ ამის შესახებ მეტს ვერაფერს გეტყვით. ყველამ ძალიან კარგად იცის, რომ ეს მხოლოდ ჩემი გადასაწყვეტი არ არის.
ამ მომენტში ჩემთვის შეუძლებელია “ლივერპულის” წინააღმდეგ სხვა გუნდის მაისურით თამაშის წარმოდგენა. ამაზე ფიქრი არ მომწონს. ვნახოთ, როგორ განვითარდება მოვლენები მომავალში.
სასიამოვნოა, როცა ვინმე მსოფლიოს საუკეთესოდ მიგიჩნევს, მაგრამ ეს მხოლოდ მოსაზრებაა. ვერ ვიტყვი, რომ საუკეთესო ვარ. ამ აზრზს ზოგი დაეთანხმება, ზოგი კი არა.
არ მოგატყუებთ, ყოველთვის მქონდა იმის ამბიცია, რომ საუკეთესო ვყოფილიყავი. სწორედ ეს მაიძულებს დაუღალავად ვიშრომო. ჩემ თავს ყველა დროის საუკეთესო ფეხბურთელად მივიჩნევ, გონებაში ასეა,” – აცხადებს სალაჰი.
