სალომე ფაჟავამ კარიერა 24 წლის ასაკში დაასრულა
მხატვრული სტილით ტანმოვარჯიშე სალომე ფაჟავამ პროფესიონალური სპორტული კარიერა 24 წლის ასაკში დაასრულა. ამის შესახება მან განცხადება სოციალურ ქსელ Instagram-ში გამოაქვეყნა.
“ძვირფასო მეგობრებო, მინდა ოფიციალურად განვაცხადო, რომ პროფესიონალური სპორტული კარიერა დავასრულე. ელიტარულ სპორტში ჩემი მისია შევასრულე, ახლა კი დრო მოვიდა ძველი გზა დავტოვო და გადავინაცვლო და განვვითარდე სხვადასხვა მიმართულებებით! მადლობა ყველას მხარდაჭერისათვისა და სიყვარულისთვის”, – აცხადებს ფაჟავა.
სალომე ფაჟავა 1997 წელს მოსკოვში დაიბადა. 2008 წელს ის საცხოვრებლად საქართველოში გადმოვიდა და ასპარეზობაც მშობლიური ქვეყნის სახელით დაიწყო.
სალომემ ორ ოლიმპიურ თამაშებზე იასპარეზა. 2016 წელს რიოში მე-14 ადგილი დაიკავა, 2020 წლის ტოკიოს ოლიმპიადაზე კი გამოსვლა მე-17 პოზიციაზე დაასრულა. 2015 წელს მან ევროპულ თამაშებზე ბრინჯაოს მედალი მოიპოვა და პირველი ქართველი მხატვრული სტილით ტანმოვარჯიშე გახდა ისტორიაში, რომელიც კონტინენტურ პირველობაზე მედალს დაეუფლა.
