სანე გერმანიაში მიდის, “სიტიმ” მის შემცვლელს ესპანეთში მიაკვლია

თარიღი: ოქტომბერი 29, 2019

გავლენიანი ბრიტანული გამოცემა Sky Sports ლეროი სანეს მომავალთან დაკავშირებით განახლებულ ინფორმაციას გვაწვდის. რამდენადაც ცნობილი ხდება, გერმანელი ფეხბურთელის “ბაიერნში” გადაბარგება გარდაუვალია.

შეგახსენებთ, რომ “რეკორდმაისტერი” ზაფხულის სატრანსფერო ფანჯარაზე აქტიურად ცდილობდა სანეს ტრანსფერის განხორციელებას, თუმცა “სიტის” შემტევის სერიოზულმა ტრავმამ გარიგება ჩაშალა.

წყაროს ცნობით “მანჩესტერ სიტი” და “ბაიერნი” 23 წლის ფეხბურთელის ტრანსფერის საფასურს განიხილავენ.

რაც შეეხება სანეს შემცვლელს, “ქალაქელებს” მის ნაცვლად გუნდში “რეალ სოსიედადის” 22 წლის შემტევის, მიკელ ოიარსაბალის მიყვანა სურს. ესპანური კლუბი ფეხბურთელს 80 მილიონ ევროდ აფასებს.

მსგავსი სიახლეები