საფეხბურთო სკოლა „გრანდ თბილისის“ გენერალური სპონსორი კომპანია „სავანეთი“ გახდა

დღეს გაიმართა შეხვედრა საფეხბურთო სკოლისა და კომპანიის წარმომადგენლებს შორის, რომელზეც მხარეებმა შეთანხმება გააფორმეს და სამომავლო გეგმებიც განიხილეს.

გიორგი გოგიჩაშვილი (საფეხბურთო სკოლა „გრანდ თბილისის“ პრეზიდენტი): „სასიხარულოა, რომ ეს კომპანია ჩვენით დაინტერესდა. ხანგრძლივ თანამშრომლობაზე შევთანხმდით და ჩვენი საფეხბურთო სკოლისთვის უამრავი ახალი პროექტი დავგეგმეთ. სკოლის მიზანი მაქსიმალურად მეტი ტალანტის აღზრდაა“.

გიორგი შანიძე (საფეხბურთო სკოლა “გრანდ თბილისის“ სპორტული დირექტორი): „ძალიან გახარებულები ვართ ამ შეთანხმებით, ჩვენთვის ამ ეტაპზე ორმაგი სტიმულია, რომ უფრო მონდომებით და ხალისით ვიმუშაოთ, მოვიზიდოთ და აღვზარდოთ ბევრი ახალგაზრდა ნიჭიერი ფეხბურთელი და ჩამოვაყალიბოთ საქართელოში ერთ-ერთი უძლიერესი საფეხბურთო სკოლა“.

ჯონი ბაიდაური (კომპანია სავანეთის წარმომადგენელი): „ორივე მხარე ამ შეთანხმებით გახარებულია. ჩვენ ყველანაირად მხარში დავუდგებით ამ კეთილ საქმეს და დავეხმარებით საფეხბურთო სკოლა „გრანდ თბილისს“ იმ მიზნის მიღწევაში, რომელიც მას დასახული აქვს.ჩვენ ბევრი ახალი ინიციატივა და პროექტი გვაქვს, რომელიც ხელს შეუწყობს საქართველოში კიდევ ერთი კარგი სკოლის ჩამოყალიბებას“.