საფრანგეთი – ალბანეთი: სავარაუდო შემადგენლობები, ფაქტები, სტატისტიკა
საფრანგეთი – ალბანეთი
შეხვედრის ადგილი: მარსელი; “სტად ველოდრომი”
შეხვედრის დრო: ოთხშაბათი, 15 ივნისი; 23:00 (მატჩის რეპორტაჟს “საზოგადოებრივი მაუწყებლის” პირველი არხი შემოგთავაზებთ)
მთავარი არბიტრი: უილიამ კოლუმი (შოტლანდია)
დღეს, ევროპის 2016 ჩემპიონატის მეორე ტურში ერთმანეთს საფრანგეთისა და ალბანეთის ეროვნული ნაკრებები დაუპირისპირდებიან. ფრანგებმა პირველ ტურში რუმინეთის ნაკრები ბოლო წუთებში დიმიტრი პაიეს მიერ გატანილი ულამაზესი გოლის წყალობით დაამარცხეს. რა თქმა უნდა, დიდიე დეშამის გუნდისაგან გულშემატკივრები უფრო მეტს მოელიან, ამიტომ ფეხბურთელებიც შეეცდებიან, რომ კარგად ითამაშონ და დამაჯერებელი გამარჯვება მოიპოვონ.
ალბანელებმა პირველი მატჩი შვეიცარიელებთან დათმეს. ცხადია, საფრანგეთის ნაკრების დამარცხება ძალიან რთული საქმეა, მაგრამ ჯოვანი დე ბიასის შეგირდები ბოლომდე იბრძოლებენ. აღსანიშნავია ისიც, რომ ფრანგებს ალბანელების წინააღმდეგ თამაში უჭირთ, რაზეც მათ შორის გამართული ბოლო ორი შეხვედრაც მეტყველებს.
საფრანგეთის ბოლო 5 მატჩი:
| 10.06.16 | ევჩ. | საფრანგეთი | რუმინეთი | 2:1 | |
| 04.06.16 | ამხ. | საფრანგეთი | შოტლანდია | 3:0 | |
| 30.05.16 | ამხ. | საფრანგეთი | კამერუნი | 3:2 | |
| 29.03.16 | ამხ. | საფრანგეთი | რუსეთი | 4:2 | |
| 25.03.16 | ამხ. | ჰოლანდია | საფრანგეთი | 2:3 |
ალბანეთის ბოლო 5 მატჩი:
| 11.06.16 | ევჩ. | ალბანეთი | შვეიცარია | 0:1 | |
| 03.06.16 | ამხ. | ალბანეთი | უკრაინა | 1:3 | |
| 29.05.16 | ამხ. | ალბანეთი | ყატარი | 3:1 | |
| 29.03.16 | ამხ. | ლუქსემბურგი | ალბანეთი | 0:2 | |
| 26.03.16 | ამხ. | ავსტრია | ალბანეთი | 2:1 |
ურთიერთშეხვედრები (ბოლო ორი მატჩი)
13.06.15 – ამხანაგური მატჩი: ალბანეთი 1:0 საფრანგეთი
14.11.14 – ამხანაგური მატჩი: საფრანგეთი 1-1 ალბანეთი
დიდიე დეშამი: “სტადიონზე შესანიშნავი ატმოსფერო იქნება. აქ ბოლოს 2014 წელს ვიყავი და მინდა, გამარჯვებით დავბრუნდე. ფრანგი გულშემატკივრების მხარდაჭერას გუნდის ყველა წევრი გრძნობს.
ალბანეთის ნაკრების ძალიან ორგანიზებული გუნდია. ჩვენი მეტოქე დაცვაში კარგად თამაშობს და კონტრ-შეტევებზე საშიშია. ჩვენ შვეიცარიის ნაკრების წინააღმდეგ მათი თამაში ვნახეთ და ვფიქრობ, ალბანეთის დამარცხება რთული იქნება.”
ჯოვანი დე ბიასი: “საფრანგეთის ნაკრებს კარგად ვიცნობთ. მაქსიმალურად შევეცდებით, რომ მეტოქეს თავისი ფეხბურთის თამაშის საშუალება არ მივცეთ, ხოლო როცა ჩვენ საგოლე მომენტი გვექნება, ის აუცილებლად უნდა გამოვიყენოთ.
ვფიქრობ, შვეციარიის ნაკრებთან კარგად ვითამაშეთ. არ გაგვიმართლა, რადგან გოლის გატანის შანსი ხელიდან გავუშვით.”
საფრანგეთი
– ფრანგულ პრესაში გავრცელებული ინფორმაციის თანახმად, შესაძლოა, დიდიე დეშამმა პოლ პოგბასა და ანტუან გრიზმანის ნაცვლად, ალბანეთთან ძირითად შემადგენლობაში კინგსლი კომანი და ანტონი მარსიალი დააყენოს.
ალბანეთი
– შვეიცარიის ნაკრებთან გამართულ შეხვედრაში ალბანეთის ნაკრების კაპიტანს, ლორიკ ცანას წითელი ბარათი უჩვენეს, ამიტომ ის დღევანდელ მატჩს გამოტოვებს.
საინტერესო ფაქტი:
– საფრანგეთის ეროვნული ნაკრები ქალაქ პარიზში 1998 წლის შემდეგ პირველად ითამაშებს. მაშინ, “მამლებმა” სამხრეთ აფრიკა ანგარიშით 3:0 დაამარცხეს.
საფრანგეთის ნაკრების სავარაუდო შემადგენლობა:
ლორისი, სანია, რამი, კოშელნი, ევრა, კანტე, მატუიდი, კომანი, პაიე, მარსიალი, ჟირუ.
ალბანეთის ნაკრების სავარაუდო შემადგენლობა:
ბერიშა, ჰისაი, აიერი, მავრაი, აგოლი, კუკელი, ჩაკა, როში, აბრაში, ლენიანი, სადიკუ.
Fanebi.Com-ის პროგნოზი:
საფრანგეთი 2-0 ალბანეთი
