საფრანგეთმა თურქეთთან ითარეშა, მეოთხედფინალისტთა კვარტეტი ცნობილია

ლატვია–სლოვენია 73:66

(20:20, 22:20, 13:12, 18:14)

მერვედფინალის ერთადერთი სენსაცია ლატვიელებმა გამოაცხვეს. ბალტიისპირელებთან ჯახში ფავორიტად სლოვენიელები ითვლებოდნენ, მაგრამ ასე არ მოხდა.

თანაბარი პირველი მეოთხედის შემდეგ ლატვიელებმა ყველა ათწუთეული მოუგეს მეტოქეს და მეოთხედფინალში გავიდნენ.

საბერძნეთი–ბელგია 75:54

(16:15, 18:16, 23:11, 18:12)

ბელგიელებმა მხოლოდ ერთი ტაიმის განმავლობაში გაუძლეს ბერძნებს. მესამე მეოთხედი ელინებმა მძლავრად ჩაატარეს და მატჩის ბედი გადაწყვიტეს. ბოლო მეოტხედი ფორმალობად იქცა და ბერძნებმა მშვიდად მიიყვანეს საქმე გამარჯვებამდე.

ესპანეთი–პოლონეთი 80:66

(25:20, 16:19, 14:16, 25:11)

საოცრად ითამაშეს პოლონელებმა სამი მეოთხედის მანძილზე და ტოლს არ უდებდნენ ფავორიტს, მაგრამ ტემპს ბოლომდე ვეღარ გაუძლეს და საბოლოოდ 14 ქულით დამარცხდნენ.

საფრანგეთი–თურქეთი 76:53

(17:18, 19:8, 23:14, 17:13)

პირველი მეოთხედი თურქებმა ქულით მოიგეს, მაგრამ მათი საფრანგეთი მთელი ძალით ათამაშდა და ძალიან დამაჯერებლად მოიგო.