საქართველო — მოლდოვა: მატჩს ბულგარელები განსჯიან

2018 წლის მსოფლიოს ჩემპიონატის საკვალიფიკაციო ეტაპზე საქართველოსა და მოლდოვის ნაკრებებს შორის 12 ნოემბერს გასამართ მატჩში ბულგარელ მსაჯთა ბრიგადა იმუშავებს. მთავარი არბიტრი 30 წლის გეორგი კაბაკოვი იქნება, რომელსაც მარტინ მარგარიტოვი და მარტინ ვენევი დაეხმარებიან, მეოთხე მსაჯი ნიკოლა პოპოვი იქნება.

გეორგი კაბაკოვი ფიფას კატეგორიის არბიტრი 2013 წელს გახდა. აღსანიშნავია, რომ მისთვის ეს შეხვედრა ეროვნული ნაკრებების დონეზე სადებიუტო იქნება. იგი მანამდე ასაკობრივი ნაკრებების მატჩებს სჯიდა.

საქართველოსა და მოლდოვის ნაკრებებს შორის გასამართი შეხვედრა 12 ნოემბერს, “დინამო არენაზე” გაიმართება და 21:00 საათზე დაიწყება. მატჩზე დასასწრები ბილეთების ფასი 5, 10, 15, და 25 ლარია. “დინამო არენას” სალაროები ყოველდღე, 11:00-დან 19:00 საათამდე მუშაობს.