საქართველო მსოფლიო თასზე
საქართველოს ნაკრებმა, რომლის ეროვნულ დროშაზე თეთრ ფონზე წითლად წმინდა გიორგის ჯვარია გამოსახული ინგლისში, მსოფლიო თასზე, თავი როგორც საკუთარ სახლში ისე უნდა იგრძნოს. რაგბიზე უზომოდ შეყვარებულ ამ ერს არც იდენტობა აკლია სარაგბო სამყაროში და ამ ოჯახისათვის იგი უცხო ნამდვილად არ არის.
ამ ბოლო დროს, საქართველო აღმოსავლეთ ევროპული რაგბის მძლავრს ლოკომოტივად იქცა და მათთვის გაისად გასამართი ტურნირი ზედიზედ მეოთხე მსოფლიო თასი იქნება. ბოლო დროინდელი გამოცდილება გვანახებს, რომ ისინი სათანადოთ უნდა დააფასოს ნებისმიერმა მოწინააღმდეგემ. მსოფლიო თასზე პირველად 2003 წელს გამოჩენის შემდეგ, მათი „უხეში“ და მძლავრი შერკინება მოწინავე სარაგბო ქვეყნების გუნდებს, როგორებიცაა სამხრეთ აფრიკა, ინგლისი, შოტლანდია და ირლანდია, ძალიან დიდ პრობლემებს უქმნის.
ავსტრალიაში ჩატარებულ მსოფლიო თასზე საგზურის მოპოვება, რომელიც ქართული რაგბის ისტორიაში პირველად მოხდა, ყოფილი საბჭოთა ქვეყნისათვის დიდი რამ იყო. მათი სიმამამაცე და საქვეყნოდ ცნობილი თავდადება, საბჭოთა რეჟიმის დანგრევის შემდეგ უქმედ მდგარი ტრაქტორების შერკინების მანქანებად გამოყენებაში გამოიხატებოდა. ბორჯღალოსნებმა თავიანთი პირველი მსოფლიო თასის საგზური თბილისში, ეროვნულ სტადიონზე შეკრებილი 45.000 ქომაგისა და მილიონ-ნახევარი ტელემაყურებლის წინაშე მოიპოვეს, როდესაც პლეი-ოფში რუსეთის დამარცხებით 2003 წლის მსოფლიო თასზე მეოთხე ევროპულ გუნდათ გავიდნენ.
მიუხედავად იმისა, რომ ისინი C ჯგუფში იმდროინდელ ფავორიტ და მოგვიანებით მსოფლიო ჩემპიონ ინგლისთან, 1995 წლის მსოფლიო თასის მფლობელ სამხრეთ აფრიკასთან, სამოსთან და ურუგვაისთან მოხვდნენ, მათ ურიგო დებიუტი არ ქონიათ ავსტრალიაში.
ბორჯღალოსნების სადებიუტო მსოფლიო თასის კამპანია ინგლისთან ჯახით დაიწყო. მათი შერკინება ნამდვილად უტოლდებოდა მოწინააღმდეგისას და ასეთი თამაშით მათ ნამდვილად ადგილობრივ ქომაგთა გული მოინადირეს. 8 წუთის გავლის შემდეგ ანგარიში 3-3 იყო, მაგრამ ინგლისის კლასმა და უკეთესმა ფიზიკურმა მომზადებამ მალევე თავი იჩინა და მატჩი 84-6 დასრულდა. შემდეგ მატჩში სამოას წინააღმდეგ მგეზავმა პალიკო ჯიმშელაძემ საქართველოს 9 ქულა მოუტანა ორი ჯარიმითა და ერთი არეკნით – მატჩი 46-9 დასრულდა.
სამხრეთ აფრიკამ დამაჯერებლად 46-19 მოუგო საქართველოს, მაგრამ ინგლისისა და სამოას მსგავსად, სპრინგბოქსს დიდი დრო დასჭირდათ გაცეცხლებული ქართული წინააღმდეგობის გასატეხად.
ერთ მომენტში საქართველოსა და მათზე ბევრად ძლიერ მოწინააღმდეგეს შორის ანგარიშში სხვაობა ორ ქულას წარმოადგენდა, როდესაც ამოვარდნილი მხრისგან გამოწვეული ტკივილის მიუხედავად, კვაჭმა დავით დადუნაშვილმა საქართველოს ნაკრებისათვის მსოფლიო თასის ისტორიაში პირველი ლელო დაამიწა. საფინალო სასტვენის შემდეგ ტრიბუნები ქართველების მისამართით ფეხზე დგომით გამოხატავდნენ ოვაციებს. თავის მხრივ მოთამაშეებმა ადგილობრივებს დაუფასეს გულშემატკივრობა და ისე ზეიმობდნენ თითქოს ვებ ელისის თასი მოეგოთ. თუმცა პირველი მსოფლიო თასის უკანასკნელ ჯგუფურ შეხვედრაში ქართველებს ხელი მოეცარათ – ისინი ურუგვაისთან 24-12 დამარცხდნენ და C ჯგუფის ხის კოვზიც მოიპოვეს.
2007 წლის საფრანგეთის მსოფლიო თასზე ქართველები პორტუგალიელებთან გამართული დრამატული პლეი-ოფის გავლით მოხვდნენ. კენჭისყრის შედეგად, საქართველო კვლავ რთულ, D ჯგუფში მასპინძელ საფრანგეთთან, არგენტინასთან (რომელმაც ბრინჯაო მოპიპოვა), ირლანდიასთან და ნამიბიასთან ერთად აღმოჩნდა.
მსოფლიო თასზე პირველად – მათ რიგებში უკვე ყავდათ ფრანგულ მონპელიეში მოასპარეზე, ბევრისათვის შიშის მომღვრელი მესამეხაზელი მამუკა გორგოძე. ‘გორგოძილამ’ ბორჯღალოსანთა სასტარტო შემადგენლობაში სამ შეხვედრაში მიიღო მონაწილეობა და მალევე მსოფლიო დონის ვარსკვლავის სახელი მოიხვეჭა.
მისი დებიუტი ლიონში შედგა, სადაც ბორჯღალოსნებმა პუმებს პირველ ტაიმში ლელო არ დაადებინეს – არ დაგავიწყდეთ, რომ არგენტინამ ოთხი დღით ადრე შოკის მომგვრელი მარცხი აწვნიეს მასპინძელ საფრანგეთს მსოფლიო თასის გახსნით შეხვედრაში. მეორე ნახევარში კი, პუმებმა ქართველთა დაცვის ხაზი ოთხჯერ გაჭრეს.
ბორდოს გავსებული სტადიონი სარაგბო ისტორიაში კინაღამ ყველაზე დიდი შოკის მომსწრე გახდა, როდესაც სათამაშო დროის დასრულებამდე წოტაოდენი დროით ადრე, საქართველო ირლანდიას 10-7 უგებდა. მართალია დემპსის 55-ე წუთზე დადებულმა ლელომ ცოტა ამოასუნთქა ირლანდიელები, მაგრამ საბოლოო ჯამში ყველაფერი ბოლოს გაირკვა – ვიდეო არბიტრის გადაწყვეტილებამ ირლანდია გადაარჩინა მარცხს.
ამ მატჩის შემდეგ, ქართველები ჩრდილეოთში, ლიონში გაემგზავრნენ, სადაც ნამიბიას შეხვდნენ. აქვსენტი გიორგაძის, ირაკლი მაჩხანელისა და დავით კაჭარავას ლელოებით და მერაბ კვირიკაშვილის 15 ქულით, საქართველოს ნაკრებმა მსოფლიო თასზე პირველ გამარჯვებას მიაღწია – 30-0. ჯგუფის უკანასკნელ მატჩში კი ქართველებმა მასპინძლებთან 64-7 დათმეს შეხვედრა.
გორგოძის წინამღოლობით, ქართველთა შერკინებამ ბრწყინვალედ მოახდინა ფრანგული ტოპ 14-ის გამოცდილების დემონსტრირება ახალ ზელანდიაში 2011 წლის მსოფლიო თასზე. თუმცა წვიმიანი ამინდის გამო, მათ თავიანთი სრული კლასის ჩვენება გაუჭირდათ გახსნით შეხვედრაში შოტლანდიის ნაკრების წინააღმდეგ ინვირქარგილში. 15-6 წაგება ნაწილობრივ გულდასაწყვეტი იყო ბორჯღალოსნების შოტლანდიელი მწვრთნელისათვის, რიჩი დიქსონისათვის, რომელიც წლების განმავლობაში უმაღლეს დონეზე თამაშისა და მწვრთნელობის შემდეგ, 2 წლით ადრე წამოვიდა შოტლანდიის რაგბის კავშირიდან და საქართველოს მწვრთნელობას შეუდგა.
B ჯგუფის დანარჩენ შეხვედრებში საქართველომ ინგლისთან (41-10) და არგენტინასთან (25-7) დათმო შეხვედრები. თუმცა პირველი ტაიმის შემდეგ არგენტინა 5-7 აგებდა ქართველებთან. ჯგუფური ეტაპის ბოლო შეხვედრაში ბორჯღალოსნებმა ევროპის ერთა თასის გათამაშებაში თავიანთი მუდმივი მეტოქე, რუმინეთის ნაკრები 25-9 დაამარხცეს.
Rugby.Ge
