საქართველო – შვეიცარია: სავარაუდო შემადგენლობები, სტატისტიკა, ფაქტები

თარიღი: მარტი 22, 2019

საქართველო — შვეიცარია
შეხვედრის ადგილი: თბილისი, “დინამო არენა”
შეხვედრის დრო: შაბათი, 23 მარტი
პირდაპირი რეპორტაჟი: საზოგადოებრივი მაუწყებლის პირველი არხი
მთავარი არბიტრი: კრეიგ პოუსონი (ინგლისი)


ხვალ, 23 მარტს საქართველოს ეროვნული ნაკრები ევროპის 2020 წლის ჩემპიონატის საკვალიფიკაციო ეტაპზე პირველ მატჩს გამართავს. “ჯვაროსნები” თბილისში შვეიცარიას დაუპირისპირდებიან.

საქართველოს ნაკრები მატჩს დიდი დანაკლისით ხვდება – ტრავმის გამო გუნდს გიორგი ჩაკვეტაძე ვერ დაეხმარება. ასევე, ტრავმირებულია ლაშა დვალი, გიორგი მერებაშვილმა კი მატჩისწინა ვარჯიშზე მუხლი დაიზიანა და დიდი ალბათობით, თამაშს ისიც ვერ შეძლებს. დანაკლისი აქვთ შვეიცარიელებსაც, მათ შეტევის ხაზის ერთბაშად სამი მოთამაშე დააკლდებათ – ჩერდან შაქირი, ჰარის სეფეროვიჩი და ადმირ მეჰმედი.

ყველასათვის ცნობილია, რომ შვეიცარიის ნაკრები მაღალი დონის გუნდია. მათი ფეხბურთელები ინგლისის პრემიერ ლიგის, გერმანიის ბუნდესლიგისა და იტალიის სერია A-ს გუნდებში თამაშობენ.

სავარაუდოდ, “დინამო არენა” ბოლომდე შეივსება, რაც საქართველოს ნაკრებისათვის დამატებითი მოტივაცია და ამავდროულად, პასუხისმგებლობაც იქნება. თბილისში თამაში არცერთი მეტოქისთვის ადვილი არაა და აქ შვეიცარიელებსაც გაუჭირდებათ. ცხადია, გულშემატკივრის ფაქტორი ბევრს ნიშნავს.

ვაისის გუნდმა უეფას ერთა ლიგაზე თავი კარგად წარმოაჩინა, ახლა კი უფრო სერიოზული და რთული ტურნირის დრო მოვიდა.


საქართველოს ნაკრების ბოლო 5 მატჩი:

19/11/18 ელ. საქართველო ყაზახეთი 2:1
15/11/18 ელ. ანდორა საქართველო 1:1
16/10/18 ელ. ლატვია საქართველო 0:3
13/10/18 ელ. საქართველო ანდორა 3:0
09/09/18 ელ. საქართველო ლატვია 1:0

 

შვეიცარიის ნაკრების ბოლო 5 მატჩი:

18/11/18 ელ. შვეიცარია ბელგია 5:2
14/11/18 ამხ. შვეიცარია ყატარი 0:1
15/10/18 ელ. ისლანდია შვეიცარია 1:2
12/10/18 ელ. ბელგია შვეიცარია 2:1
11/09/18 ამხ. ინგლისი შვეიცარია 1:0

ურთიერთშეხვედრები:

საქართველოსა და შვეიცარიის ნაკრებებს აქამდე ერთმანეთის წინააღმდეგ სულ ორჯერ აქვთ ნათამაშები. ორივე მატჩი ევროპის 2004 წლის ჩემპიონატის შესარჩევ ეტაპზე გაიმართა. მაშინ საქართველოს ნაკრებს ალექსანდრე ჩივაძე წვრთნიდა. პირველ მატჩში შვეიცარიელებმა დიდი ანგარიშით გაიმარჯვეს, მეორე შეხვედრა კი ფრედ დასრულდა.

08/09/02 – შვეიცარია 4:1 საქართველო
02/04/03 – საქართველო 0:0 შვეიცარია


რას ამბობენ მწვრთნელები?

ვლადიმირ ვაისი: “ხვალინდელი მატჩის ფავორიტი შვეიცარიაა, მაგრამ ეს იმას არ ნიშნავს, რომ ისინი აუცილებლად მოიგებენ. შვეიცარია რეიტინგში ერთ-ერთი მოწინავეა, მაგრამ მთავარია, ჩვენ როგორ ვითამაშებთ. ჩვენი მთავარი მიზანია, რესუსი მაქსიმალურად გამოვიყენოთ. შვეიცარია მხოლოდ კონკრეტული მატჩის ფავორიტი არ არის, ეს გუნდი ჯგუფის ფავორიტია. შევეცდებით, ხვალ ჩვენი ტექნიკური, ქართული თამაში ვაჩვენოთ.”

ვლადიმირ პეტკოვიჩი: “ყველაფერი გვაქვს იმისათვის, რომ სასურველი შედეგი დავაფიქსიროთ. ქართული ფეხბურთი გარკვეულ ნაზავს წარმოადგენს ბრაზილიური ტექნიკურობისა და რუსული ძალისმიერი თამაშის, რასაც ემატება ქართული იმპროვიზაციის ნიჭი. რაც შეეხება “დინამოს”, ძალიან კარგად მახსოვს, თუ რამდენად ლამაზ და წარმატებულ ფეხბურთს თამაშობდა ეს კლუბი.

დღეს ჩემს ფეხბურთელებთან ერთად უნდა განვიხილო ქართველი ფეხბურთელების ძლიერი და სუსტი მხარეები. რამდენადაც ჩვენთვის ცნობილია, ქართველები ძალიან შემტევ ფეხბურთს თამაშობენ, განსაკუთრებით საკუთარ კედლებში და კარგ ფიზიკურ მდგომარეობაში იმყოფებიან. ჩვენ ამ ყველაფერს გავაანალიზებთ და ვეცდებით, ჩვენი ძლიერი მხარეები მაქსიმალურად გამოვიყენოთ.”


საინტერესო ფაქტები:

– ხვალინდელი მატჩის განაცხადში მყოფი ფეხბურთელებიდან, საქართველოს ნაკრების ყველაზე ძვირადღირებული წევრი (transfermarkt-ის მიხედვით) სოლომონ კვერკველიაა. მისი ფასი 8 მილიონი ევროა.

– შვეიცარიელთა ყველაზე ძვირადღირებული მოთამაშე გრანიტ ჯაკაა. “არსენალის” ნახევარმცველს transfermarkt 45 მილიონ ევროდ აფასებს.

– მოქმედი ფეხბურთელებიდან, საქართველოს ნაკრებში ყველაზე მეტი გოლი ვაკო ყაზაიშვილს აქვს გატანილი, მან მეტოქეთა კარი 10-ჯერ აიღო.

– მოქმედი ფეხბურთელებიდან, შვეიცარიელთა ბომბარდირი, 22 გოლით, ჩერდან შაქირია, თუმცა ის ტრავმის გამო საქართველოს წინააღმდეგ ვერ ითამაშებს.


მთავარი არბიტრი – კრეიგ პოუსონი

კრეიგ პოუსონი 40 წლის ინგლისელი არბიტრია, რომელიც ჩემპიონთა ლიგის, ინგლისის პრემიერ ლიგის და უეფას სანაკრებო ტურნირების მატჩებში იღებს მონაწილეობას. მან მიმდინარე სეზონში 30 შეხვედრა განსაჯა, სადაც 118 ყვითელი და 4 წითელი ბარათი აჩვენა.


საქართველოს ნაკრების სავარაუდო შემადგენლობა:
ლორია; კაკაბაძე, კვერკველია, კაშია, ხარაბაძე; კანკავა, კვეკვესკირი; ანანიძე, გვილია, ყაზაიშვილი; ქვილითაია.

შვეიცარიის ნაკრების სავარაუდო შემადგენლობა:
ზომერი; ლიხტშტაინერი, აკანჯი, შერი, როდრიგესი; ჯაკა, ზაქარია; აეტი, ემბოლო, ცუბერი; გავრანოვიჩი.


Fanebi.Com-ის პროგნოზი

საქართველო 2:1 შვეიცარია

მსგავსი სიახლეები
ფეხბურთი

სერია A-ს პრეზიდენტი: “სისტემა კოლაფსის წინაშე დგას”

სერია A-ს პრეზიდენტი, პაულო დალ პინო, იტალიის მთავრობას აფრთხილებს, რომ ქვეყანაში ფეხბურთის შეჩერებასთან დაკავშირებით გადაწყვეტილების […]...
წაკითხვა
ფეხბურთი

მოურინიო: “ტოტენჰემში” პრიმადონების ადგილი არ არის”

ლონდონის “ტოტენჰემის” მთავარმა მწვრთნელმა, ჟოზე მოურინიომ, “ბარნლისთან” მოპოვებული გამარჯვების შემდეგ პრესასთან ისაუბრა. პორტუ...
წაკითხვა
ფეხბურთი

როდის და სად გაიმართება მომდევნო “ელ კლასიკო”?

მთელი საფეხბურთო სამყარო თანხმდება, რომ მადრიდის “რეალი” და “ბარსელონა” საუკეთესო ფორმაში არ იმყოფებიან. მიუხედავად ამისა, [&h...
წაკითხვა
ფეხბურთი

“ჩემპიონობით გამოსწორდება ეს ყველაფერი? თამასა ეგრეა შენთვის?” – “

თბილისის “დინამოს” ფანები ეროვნულ ლიგაში გამართული ერთ-ერთი მატჩის შემდეგ გუნდის ფეხბურთელებს შეხვდნენ. საუბრის თემა ევროტურნირებზე [&hell...
წაკითხვა
ფეხბურთი

ბართომეუ: “ყველას გვინდა, რომ მესიმ კარიერა “ბარსელონაში” დაასრულოს̶

კატალონიის “ბარსელონას” პრეზიდენტმა, ხოსეპ მარია ბართომეუმ ლიონელ მესის შესახებ ისაუბრა. როგორც იცით, ზაფხულში არგენტინელ სუპერვარსკვლავს ...
წაკითხვა
ფეხბურთი

იბრაჰიმოვიჩმა “რომას” გოლი მე-2 წუთზე გაუტანა (ვიდეო)

იხილეთ ვიდეო Goal Zlatan Ibrahimovic. AC Milan 1:0 AS Roma #MilanRoma #ForzaMilan pic.twitter.com/BIHncRDPx1 — FTTV […]...
წაკითხვა
ფეხბურთი

“მილანი” მაურო იკარდის დამატებას შეეცდება

“პარი სენ-ჟერმენის” თავდამსხმელი მაურო იკარდი შესაძლოა, იტალიაში დაბრუნდეს. A Bola წერს, რომ არგენტინელი ფეხბურთელით “მილანი” ...
წაკითხვა
ფეხბურთი

გიორგი კოხრეიძე: “მინდორს გაცილებით ადრე დავუბრუნდები”

“საბურთალოსა” და საქართველოს ახალგაზრდული ნაკრების ფორვარდმა გიორგი კოხრეიძემ, რომ ფეხზე ოპერაცია გაიკეთა და ახლა სარეაბილიტაციო კურსს […]...
წაკითხვა
ფეხბურთი

იტალიის სპორტის მინისტრი რონალდუს პროტოკოლის დარღვევაში ადანაშაულებს

იტალიის სპორტის მინისტრი ვინჩენცო სპადაფორა “იუვენტუსის” პორტუგალიელ სუპერვარსკვლავ კრიშტიანუ რონალდუს სპეციალურად კორონავირუსის პანდემიის...
წაკითხვა
ფეხბურთი

ისკო ზიდანის მიმართ უკმაყოფილებას გამოთქვამს

მადრიდის “რეალის” ესპანელი ნახევარმცველი, ისკო, სასურველ ფორმაში შესვლას კვლავ ვერ ახერხებს. “მალაგას” ყოფილი ვარსკვლავი თვლის...
წაკითხვა
ფეხბურთი

“მან. სიტიდან” გაშვებულმა ფეხბურთელმა სიცოცხლე თვითმკვლელობით დაასრულა

“მანჩესტერ სიტის” ოფიციალური ვებ-გვერდი დამამწუხრებელ ინფორმაციას ავრცელებს აკადემიის აღზრდილი ჯერემი უისტენის გარდაცვალების შესახებ. ყოფი...
წაკითხვა
ფეხბურთი

უპამეკანო “ლივერპულის” მთავარი სატრანსფერო სამიზნეა

ბრიტანულ პრესაში გავრცელებულ უახლეს ცნობებს თუ დავეყრდნობით, იურგენ კლოპმა დაიოტ უპამეკანო “ლივერპულის” მთავარ სატრანსფერო სამიზნედ [&hell...
წაკითხვა
ფეხბურთი

აგენტი: “ხვიჩას ტრანსფერით “სევილია” დაინტერესდა”

საქართველოს საფეხბურთო ნაკრებისა და “რუბინის” თავდამსხმელის, ხვიჩა კვარაცხელიას, შესახებ საინტერესო ინფორმაცია გაგვანდო მისმა აგენტმა, თეი...
წაკითხვა
ფეხბურთი

ლიზარაზუ: “გრიზმანმა აღარ იცის, როგორ ითამაშოს ფეხბურთი”

საფრანგეთის ნაკრების ყოფილი მარცხენა მცველი, ბიშენტე ლიზარაზუ, თანამემამულე ანტუან გრიზმანს “ბარსელონას” დატოვებას ურჩევს. როგორც იცით, [&...
წაკითხვა
ფეხბურთი

რონალდინიო კორონავირუსით დაინფიცირდა

კატალონიური “ბარსელონასა” და ბრაზილიის საფეხბურთო ნაკრების ყოფილი ვარსკვლავი, რონალდინიო, კორონავირუსით დაინფიცირდა. ინფორმაციას თავად ექს...
წაკითხვა